Вальжына Цярэшчанка
| Вальжына Цярэшчанка | |
|---|---|
| Месца нараджэння | Лушчыкі |
| Краіна | Беларусь |
| Альма-матар | |
| Музычная дзейнасць | |
| Прафесіі | музыкант |
| Інструменты | Гітара |
| Жанры | Бардаўская песня |
Вальжы́на (Во́льга) Цярэ́шчанка — беларуская бард-спявачка.
Біяграфія
Нарадзілася на Гарадзеншчыне, у вёсцы Лушчыкі Воранаўскага раёна. Сям’я пераехала на Гомельшчыну, калі Вользе было шэсць гадоў. Стала жыве ў Гомелі. Каталічка. Скончыла музычнае аддзяленне Гомельскай педвучэльні. У 1980-х спявала ў народным фальклорным гурце Гомельскай педвучэльні «Пралескі». Лаўрэат Першага фестываля аўтарскай песні ў Беларусі. Двойчы брала ўдзел у фестывалі беларускай музыкі ў Польшчы «Басовішча». Настаўніца беларускай мовы і літаратуры ў гімназіі №36 гораду Гомеля імя Івана Паўлавіча Мележа. Скончыла філалагічны факультэт ГДУ імя Францыска Скарыны. Мае двух дзяцей: дачку Святлану і сына Францішка.
Творчасць
Музы́ка «талакоўскага прызыву». Валодае прыгожым моцным голасам, спявае на вершы Сыса, Гаруна, Геніюш, Жылкі ды іншых беларускіх паэтаў.
У 2003 годзе ў Гомелі выйшаў яе альбом «Хтось крануўся крылаў». У альбоме, які ўтрымлівае 35 трэкаў, пераважна песні на вершы забароненых і паўзабароненых у БССР паэтаў (Алесь Гарун, Ларыса Геніюш ды іншыя). На дыск увайшло ці не ўсё самае найлепшае з яе канцэртнага рэпертуара. Апроч песняў на вершы беларускіх паэтаў на альбоме значную частку займаюць народныя калядныя спевы.