Nevma

Nevma
Жанр	Альтэрнатыўны рок
Гады	2005-па сённяшні дзень
Краіна	Беларусь
Горад	Магілёў
Мова песень	руская, беларуская
Іншыя праекты	Akute, Глюкі

Nevma — беларускі музычны гурт з Магілёва, які грае ў стылі альтэрнатыўнага року.

Гісторыя

Гурт быў заснаваны ў 2005 годзе. Ужо праз паўгады заваяваў высокую рэгіянальную вядомасць, а крыху пазней — і рэспубліканскую. Улетку 2006 года прыняў удзел у фэсце «Басовішча» ў Польшчы і стаў адным з пераможцаў. Увосень Nevma прадставілі Магілёў у адборачным беларускім туры еўрапейскага фэсту The Global Battle of the Bands, у якім дайшла да паўфінала. У пачатку 2007 года Nevma, як ганаровы госць, выступілі на штогадовай галоўнай музычнай падзеі Беларусі — «Рок-каранацыі».

Адметная асаблівасць гурта — іх лідар-вакаліст і аўтар тэкстаў — Данііл Забела, былы саліст магілёўскай кансерваторыі. У музыцы, як любяць адзначаць музыкі, яны спрабуюць спалучаць фолкавыя матывы і сучасную альтэрнатыўную музыку. Тэматыка песень запар дэпресіўная, выкананне вельмі эмацыйнае.

У першай палове 2007 гурт не выступаў з-за праблемаў вакаліста са звязкамі. Зноў перад слухачом Nevma з'явіліся на «Басовішчы».

У 2009 годзе гурт выдаў дэбютны двухмоўны альбом «Стихия слёз». 24 красавіка 2010 у магілёўскім клубе Cuba на вялікім сольным канцэрце быў прадстаўлены сінгл «ZaDavolieny». У снежні 2013 года музыкі прэзентавалі ў інтэрнэце свой другі альбом «12», які быў запісаны на рускай мове. Адразу пасля выхаду «12» было заяўлены пра планы працы над новым альбомам, які будзе цалкам на беларускай мове.

Дыскаграфія

Альбомы

• Стихия слёз (2009)
• 12 (2013)

Сінглы

• «ZaDavolieny» (2010)

Удзел у зборніках

• Басовішча XVII (2007) — «Я ня веру табе»

Склад

• Данііл Забела: спеў
• Ігар «Igr» Давыдаў: бас-гітара
• Андрэй Гарбаценка: гітара
• Павел Емяльянаў: ударныя
• Аляксандр Пятроў: клавішы