B side (гурт)

b_side
b_side
Жанры	трып-хоп; (раней — арт-рок)
Гады	2003-па сённяшні дзень
Краіна	Беларусь
Лэйбл	DustedWax Kingdom
Склад	Анастасія Карпоўская; Дзмітрый Ляшэвіч; Эдуард Казлоў; Яўген Леўкавец; Аляксандр Колтун

«b_side» (былая назва — РоСтра) — беларускі трып-хоп гурт, заснаваны летам 2003 года. З верасня 2010 года перайменаваны ў «b_side» ў сувязі з адыходам калектыва ад стылістыкі арт-рока^[1].

Гісторыя

Гурт «РоСтра» заснаваны пяццю яго будучымі ўдзельнікамі (назва гурта азначала ўпрыгожванне на карме карабля)^[2]. Першым выступам калектыву на шырокай публіцы стаў вечар памяці Аляксандра Башлачова 28 мая 2005 года ў клубе «Аквариум». Наступным буйным выступам стаў фэст «Крэўскія камяні»-2005, ад якога бярэ свой пачатак першая беларускамоўная праграма «РоСтры». Гурт таксама выступаў на фестывалях «Ярмарка здоровья» на Нёмане, «Оттепель» і ў клубе «Граффити»^[3]. «РоСтра» бралі ўдзел у запісе зборніке «Л. Геніюш: Жыць для Беларусі. Мэлёдыка паэзіі», дзе выконвалі песню «Куфар»^[4].

У 2006 годзе гурт падаваў заяўку на ўдзел у «Басовішчы-2006» і на адборным этапе выйграў прыз глядацкіх сімпатыяў. Удзел у «Басовішчы» стаў першым выступам па-за межамі Беларусі, аднак адразу пасля фестывалю з гурта сышлі два чалавекі: клавішнік Аляксандр Галаўнёў і гітарыст Уладзімір Русецкі, які быў заснавальнікам калектыву з 2003 года. З былым клавішнікам была запісана песня «Ночка» для трыб’юту Сяргея Новіка-Пяюна, пасля чаго ён канчатковы выйшаў з творчага працэсу, аднак часам дапамагаў на выступах.

Пасля канцэрту «Vox Femina: Tribute to Flёur», які адбыўся 16 снежня 2006 года, на «ХАТА studio» распачаўся запіс дэбютнага альбома «РоСтры». Ягоны рэліз быў запланаваны на верасень 2007 года. Неўзабаве песні гурта трапілі ў ратацыю некалькіх беларускіх радыёстанцыяў. У 2007 годзе гурт стаў паўфіналістам расійскага музычнага конкурса MuseOn-2007.

У 2009 годзе «РоСтра» напісалі песню «Нехта» на словы беларускай паэткі Вікі Трэнас^[5]. Гэтая кампазіцыя зазначыла пераход гурта ад арт-року да плыні трып-хопу і даўнтэмпа. За зменай стылю неўзабаве паследавала і змена назвы гурта — «b_side». Музыкі пракамэнтавалі такі крок наступным чынам:

На адным з апошніх канцэртаў насупраць сваёй назвы мы пабачылі стылістыку «фолк-рок», што канчаткова падштурхнула нас да змены назвы… Гэта не толькі адваротны бок вініла, але і эксперыментальны бок музыкі. b_side — гэта працэс, які абмежаваны, напэўна, толькі космасам. Музыка знаходзіцца вышэй за ўсе межы, таму ў нашых трэках вы з лёгкасцю пачуеце, як беларускую і англійскую, так і арабскую ды іспанскую мовы.

У 2011 годзе гурт выдаў альбом «Smooth Season» у стылі трып-хоп, альбом атрымаў надзвычай станоўчыя адзнакі на партале Experty.by^[6].

Дыскаграфія

«Smooth Season» (альбом, DustedWax Kingdom, 2011)

Удзел у зборніках

Жыць для Беларусі (2006) — «Куфар»
Дні лятуць. Песьні з-за кратаў (2007) — «Ночка»
Песьні свабоды-3 (2007) — «У вырай!»
Басовішча XVII (2007) — «Ночка»
Янка Купала — 125 гадоў (2007) — «У вырай!»

Склад

Анастасія Карпоўская — вакал
Дзмітрый Ляшэвіч — клавішныя
Эдуард Казлоў — гітара, клавішныя
Яўген Леўкавец — бас-гітара
Аляксандр Колтун — ударныя

Зноскі

↑ Адваротны бок гурта Rostra (бел.). Тузін Гітоў (8 верасня 2010). Архівавана з першакрыніцы 8 студзеня 2011. Праверана 20 красавіка 2017.
↑ Аляксей Мінчонак. «РоСтра»: «Мы не падобныя на іншыя гурты!» (бел.)(недаступная спасылка). Тузін Гітоў (17 ліпеня 2006). Архівавана з першакрыніцы 11 верасня 2018. Праверана 20 красавіка 2017.
↑ Группа «РоСтра»! (руск.). http://metalscript.net+(9 снежня 2006). Праверана 20 красавіка 2017.
↑ РоСтра (бел.). Generation.by. Праверана 20 красавіка 2017.
↑ Rostra: у пошуках новага (бел.). Тузін Гітоў (15 мая 2009). Архівавана з першакрыніцы 8 студзеня 2011. Праверана 20 красавіка 2017.
↑ B_Side "Smooth Season" (+аўдыё) (бел.). Experty.by (3 жніўня 2011). Праверана 20 красавіка 2017.

Спасылкі

Трип-хоп — он и в Беларуси трип-хоп! И это — B_Side Архівавана 14 кастрычніка 2011. — інтэрв’ю і жывы выступ на партале TUT.BY

[adv-1] Адваротны бок гурта Rostra (бел.). Тузін Гітоў (8 верасня 2010). Архівавана з першакрыніцы 8 студзеня 2011. Праверана 20 красавіка 2017.

[2] Аляксей Мінчонак. «РоСтра»: «Мы не падобныя на іншыя гурты!» (бел.)(недаступная спасылка). Тузін Гітоў (17 ліпеня 2006). Архівавана з першакрыніцы 11 верасня 2018. Праверана 20 красавіка 2017.

[3] Группа «РоСтра»! (руск.). http://metalscript.net+(9 снежня 2006). Праверана 20 красавіка 2017.

[gen-4] РоСтра (бел.). Generation.by. Праверана 20 красавіка 2017.

[5] Rostra: у пошуках новага (бел.). Тузін Гітоў (15 мая 2009). Архівавана з першакрыніцы 8 студзеня 2011. Праверана 20 красавіка 2017.

[6] B_Side "Smooth Season" (+аўдыё) (бел.). Experty.by (3 жніўня 2011). Праверана 20 красавіка 2017.

[1]

[2]

[3]

[4]

[5]

[6]