Fitna

З пляцоўкі Вікіпедыя
Jump to navigation Jump to search
ФітнаM:
Fitna
Жанр дакументальны фільм[d]
Рэжысёр Скарлет Пімпернэл
Прадзюсар
Сцэнарыст Герт Вілдэрс
Скарлет Пімпернэл
Кампазітар Эдвард Грыг
Пётр Чайкоўскі
Кінакампанія Скарлет Пімпернэл
Працягласць 16:48
Краіна Flag of the Netherlands.svg Нідэрланды
Мова нідэрландская
англійская
арабская
персідская
Год 27 сакавіка 2008[1]
IMDb tt1198399
Афіцыйны сайт

Фітна (англ.: Fitna; Нідэрланды, 2008) — кароткаметражны фільм нідэрландскага палітыка Герта Вілдэрса, накіраваны супраць ісламу, размешчаны ў інтэрнэце (на партале LiveLeak)27 сакавіка 2008 года на галандскай і англійскай мовах. На наступны дзень фільм быў выдалены з усіх сервераў LiveLeak з-за пагрозаў супрацоўнікам парталу. 30 сакавіка фільм ізноў з’явіўся на LiveLeak, але быў адразу жа выдалены па просьбе Герта Вільдэрса.

Сюжэт[правіць | правіць зыходнік]

Фільм пабудаваны наступным чынам: прыводзіцца фрагмент адной з сураў Карана, затым даецца ілюстрацыя таго, як гэтая сура «увасабляецца ў жыццё» ісламскімі дзяржавамі і арганізацыямі.

Розгалас[правіць | правіць зыходнік]

У адказ на масавую незадаволенасць грамадзян, адміністратар нацыянальнага дамена Network Solutions зачыніў сайт http://www.fitnathemovie.com/, на якім можна было паглядзець і запампаваць фільм «Фітна», абмеркаваць яго.

З крытыкай фільма выступілі генеральны сакратар ААН Пан Гі Мун, прэм’ер-міністр Нідэрландаў Ян Петэр Балкенендэ, афіцыйныя прадстаўнікі АІК, Славеніі, ЗАЭ, Пакістану, Інданезіі, Бангладэша і Ірана[2].

Французскі Прэзідэнт Нікаля Сарказі афіцыйна заявіў, што Францыя павінна забяспечыць любую неабходную падтрымку Нідэрландам у падаўленні любога гвалту з боку мусульман з-за паказу «Фітны».

У сваім інтэрв’ю галандскай газеце Dutch Volkskrant дацкі карыкатурыст Курт Вестэргаард (Kurt Westergaard), чые карыкатуры на прарока Мухамеда ў 2006 годзе прывялі да масавых акцый пратэсту мусульман па ўсім свеце, заклікаў Герта Вільдэрса паказаць зняты ім антыісламскі фільм. Аднак, пасля, ён памкнуўся падаць у суд на яго, абвінаваціўшы галандскага палітыка ў незаконным выкарыстоўванні карыкатур пры здымках кароткаметражкі.

Крытыка з боку мусульманаў[правіць | правіць зыходнік]

У лютым 2008 года Пакістан на некалькі дзён абмежаваў доступ да сэрвісу YouTube за размяшчэнне трэйлера фільма[3].

Google прыняў пратэсты Пакістану і матэрыял быў выдалены з сайта.

У красавіку 2008 года ў інтэрнэце было апублікавана 10 хвіліннае відэа — «адказ на фільм “Фітна”, зроблены нянавісным крыжакам Вільдэрсам». У фільме хрысціян і іўдзеяў аб’яўляюць "тэрарыстамі", адным з галоўных ворагаў ісламу клічуць Папу Рымскага Бенедыкта XVI.[4]

Крыніцы[правіць | правіць зыходнік]

  1. выгрузка даных FreebaseGoogle.
  2. Генсек ООН засудив фільм "Фітна", що викликав обурення ісламського світу (укр.) 
  3. Pakistan blocks YouTube website (англ.) 
  4. Мусульманские фанатики сняли свою «Фитну» (руск.) 

Спасылкі[правіць | правіць зыходнік]