mkisofs

З пляцоўкі Вікіпедыя
Jump to navigation Jump to search
mkisofs
Тып Утыліты файлавых сістэм
Аперацыйная сістэма UNIX‐падобныя
Апошняя версія
  • 3.01
Ліцэнзія GNU GPL
Сайт cdrecord.berlios.de/old/private/mkisofs.html

mkisofs — утыліта каманднага радка з пакета cdrtools, якая дазваляе ператварыць указаны каталог у файл, што ўяўляе сабой файлавую сістэму, які потым можа быць запісаны на кампакт-дыск (CD ці DVD). Для запісу можна ўжываць утыліту cdrecord ці аналагічную ёй.

Утыліта mkisofs падтрымлівае пашыраныя фарматы файлавых сістэм для кампакт-дыскаў: Rock Ridge, Joliet, Blu-ray Disc і іншыя.

Праграмы для запісу кампакт-дыскаў з графічным інтэрфейсам звычайна няяўна выкарыстоўваюць mkisofs. На аснове mkisofs створаны ўдасканалены пакет праграм dvd+rw-tools, які дае магчымасць дапісваць перазапісвальныя кампакт-дыскі без неабходнасці стварэння вобразу дыска.

Прыклады ўжывання[правіць | правіць зыходнік]

Ствараем «вобраз» дыска

    mkisofs -r -J -o cd.iso ~/my_data/

У гэтым выпадку ўсё, што знаходзіцца ў каталогу ~/my_data, будзе запісана ў «вобраз» з імём cd.iso.

Апісанне параметраў:

  • -r — запісаць файлавую сістэму RockRidge (падтрымлівае доўгія імёны файлаў, чытаецца на большасці сістэм);
  • -J — запісаць файлавую сістэму Joliet (падтрымлівае доўгія імёны файлаў, патрэбна пры чытанні дыска на Windows);
  • -o cd.iso — паказвае імя файла вобраза.

Запісваем вобраз дыска адразу на дыск

    mkisofs -r -J ~/my_data/ | cdrecord dev=/dev/cdrw1 -

Перадае ствараемы вобраз у праграму cdrecord, якая запісвае яго на дыск на прыладзе /dev/cdrw1.