killall

З пляцоўкі Вікіпедыя
Jump to navigation Jump to search

killallUNIX‐утыліта, якая дасылае сігнал усім працэсам, якія былі запушчаны пэўнай камандай. Калі імя сігналу не ўказана, дасылаецца сігнал SIGTERM.

Сігналы могуць указвацца як па імені (напрыклад, -HUP), так і па нумару (напрыклад, -1). Сігнал 0 (праверыць, ці існуе працэс) можа быць указаны толькі нумарам.

Калі імя каманды ўтрымлівае нахільную рысу (/), то для завяршэння будуць абраны толькі тыя працэсы, якія выконваюць вызначаны файл, незалежна ад іх імені.

killall завяршаецца з ненулявым кодам вяртання, калі для любой з пералічаных каманд не было завершана ніводнага працэсу. Калі ж для кожнай каманды быў завершаны хаця б адзін працэс, killall вяртае нуль.

killall ніколі не завяршае свой уласны працэс (але можа завяршыць іншыя працэсы, запушчаныя камандай killall).

Параметры[правіць | правіць зыходнік]

-i
Пытаць пацвярджэнне на спыненне працэсаў.
-l
Вывесці імёны ўсіх вядомых сігналаў.
-v
Паведаміць, ці паспяхова быў дасланы сігнал.
-V
Вывесці інфармацыю аб версіі.

Спасылкі[правіць | правіць зыходнік]

  • killall(1) — старонка даведкі man па карыстальніцкіх камандах FreeBSD (англ.) 
  • PSmisc — набор утыліт, які змяшчае killall.