Музычны крытык Сяргей Будкін лічыць, што гурт запісаў «вельмі сьпелы і цікавы альбом, якому проста наканавана ўвайсьці ў шэраг самых яркіх музычных працаў 2012 году». Музычны журналіст Дзмітрый Падбярэзскі мяркуе, што альбом уяўляе сабой «той самы выпадак, калі даволі няпроста аргумэнтаваць, чаму ж табе гэтак спадабалася музыка» і задаецца пытаннем «чаму новы альбом „Akute“ гэтак настойліва прымушае ўслухвацца ў яго яшчэ і яшчэ, аднак пры гэтым не падлягае таму, каб яго разьбіралі па костках?».