Nowiny Wileńskie (1906)

З пляцоўкі Вікіпедыя
Jump to navigation Jump to search

«Nowiny Wileńskie» (бел.: «Віленскія навіны») — штодзённая газета. Выдавалася з 4(17) студзеня да 20 лютага (5 сакавіка) 1906 г. у Вільні на польскай мове. Рэдактар — З.Багдановіч, уладальнік — віленскі біскуп Э.Ю.Роп. Падзеі палітычнага, сацыяльна-эканамічнага і культурна-рэлігійнага жыцця беларуска-літоўскіх губерняў асвятляла з пазіцыі хрысціянскай дэмакратыі. Значнае месца адводзіла навінам з жыцця католікаў Віленскай дыяцэзіі. Адыграла прыкметную ролю ў стварэнні Канстытуцыйна-каталіцкай партыі Беларусі і Літвы. Кіраўнік партыі Роп у шэрагу артыкулаў выступіў з тлумачэннем асноўных палажэнняў партыйнай праграмы. У нацыянальным пытанні адстойвала права палякаў, літоўцаў і беларусаў на самастойнае культурнае развіццё і свабоду ў межах Расійскай імперыі. Свабода разумелася як дасягненне аўтаноміі этнаграфічнай Літвы і Беларусі. Выйшлі 32 нумары. У лютым 1906 г. Роп стаў уладальнікам газеты «Кур’ер Літэўскі» і далучыў газету да сваей новай газеты.

Літаратура[правіць | правіць зыходнік]

  • Смалянчук, А. «Новіны Віленьске» / Алесь Смалянчук // Энцыклапедыя гісторыі Беларусі. Т. 5. – С. 332 – 333.