Persea

З пляцоўкі Вікіпедыя
Jump to navigation Jump to search

Persea род вечназяленых дрэў і кустоў сямейства лаўровыя (Lauraceae). Налічваецца каля ста відаў[1], большай часткай з трапічных рэгіенаў Амерыкі. Найбольш вядомы від — Persea americana: важная пладовая культура, культывуецца па ўсім свеце дзеля ядомых пладоў.

Назва[правіць | правіць зыходнік]

Навуковая назва роду ўтворана ад імя старажытнагрэчаскага міфалагічнага героя Персея[2]. Філіп Мілер, які выкарыстаў гэта імя пры апісанні дадзенага роду, пазычыў яго ў старажытнагрэчаскіх аўтараў, Тэафраста і Гіпакрата, якія называлі так нейкае егіпецкае дрэва — магчыма, Cordia myxa або які-небудзь від з роду Mimusops[3].

Распаўсюджванне[правіць | правіць зыходнік]

Род мае разарваны арэал: каля 70 відаў раслін распаўсюджаныя ў тропіках і субтропіках Паўднёвай і Паўночнай Амерыкі; адзін від — Persea indica (Persea indica) — з'яўляецца эндэмікам Макаранезіі (сустракаецца на Азорскіх і Канарскіх астравах, на Мадэйры, каля 80 відаў растуць ва Усходняй і Паўднёва-Усходняй Азіі[4].

Persea americana культывуюць у многіх рэгіенах планеты, у тым ліку ў краінах Карыбскага мора, у Фларыдзе, у Ізраілі, у Афрыцы.

Батанічнае апісанне[правіць | правіць зыходнік]

Прадстаўнікі роду — вечназяленыя хуткарослыя дрэвы вышыней да 30 м, часам кусты.

Лісце ў раслін эліптычнае, скурыстае.

Кветкі кволыя, у адных відаў двухполыя, у іншых аднаполыя. Пялесткаў шэсць. Тычынак дзевяць. Песцік адзін.

Плод — аднанасенная ягада[5]. Мае грушападобную або круглую форму, у некаторых відаў даволі буйная — да прыкладу, у Persea indica даўжыня плоду дасягае 25 см[4].

Віды[правіць | правіць зыходнік]

Некаторыя віды[6] паводле сайта GRIN (калі не пазначана іншае):

Шэраг відаў, якія раней адносілі да роду Persea, пазней былі перанесены ў іншыя роды:

  • від Persea theobromifolia A.H.Gentry (1977) аднесены да роду Caryodaphnopsis[7]. Дрэва вышынёй да 40 м з шаравата-зялёнымі кветкамі і чырванавата-карычневымі зваротнаяйкападобнымі пладамі. Сустракаецца ля падножжа Анд у цэнтральным Эквадоры. Рэдкая расліна, занесена ў Міжнародную Чырвоную кнігу як від, што знаходзіцца пад пагрозай знікнення[8].
  • Persea krugii Mez — Mutisiopersea[9].

Зноскі

  1. 99 согласно данным The Plant List: Persea(Праверана 27 чэрвеня 2011)(Проверено 27 июня 2011)
  2. Головкин Б. Н. О чём говорят названия растений. — М.: Агропромиздат, 1986. — С. 107. — 160 с. — (Популярная библиотека школьника). — 110 000 экз. — УДК 581
  3. Quattrocchi, Umberto (2000). CRC World Dictionary of Plant Names. 3 M-Q. CRC Press. p. 2015. ISBN 9780849326776. http://books.google.com/books?id=kaN-hLL-3qEC&. 
  4. 4,0 4,1 Ботаника, 2006
  5. Яковлев, Челомбитько, 1990, с. 223
  6. Спіс відаў роду на сайце GRIN.(англ.)  (Праверана 12 студзеня 2010)
  7. The Plant List: Persea theobromifolia
  8. Белоусова Л. С., Денисова Л. В. Редкие растения мира — М.: Лесная промышленность, 1983. — С. 216. — 344 с. — 20 000 экз. — УДК 581.5
  9. The Plant List: Persea krugii

Літаратура[правіць | правіць зыходнік]

  • Persea // Ботаника. Энциклопедия «Все растения мира»: Пер. с англ. = Botanica / ред. Д. Григорьев и др — М.: Könemann, 2006. — С. 654. — 1020 с. — ISBN 3-8331-1621-8.
  • Яковлев Г. П., Челомбитько В. А. Ботаника: Учеб. для фармац. институтов и фармац. фак. мед. вузов / Под ред. И. В. Грушвицкого — М., 1990. — 367 с. — 63 000 экз. — ISBN 5-06-000084-2.