Безвалоскі

Безвалоскі
Chamaepsila sp.
Навуковая класіфікацыя
прамежныя рангі Дамен:  Эўкарыёты Царства:  Жывёлы Падцарства:  Эўметазоі Без рангу:  Двухбакова-сіметрычныя Без рангу:  Першаснаротыя Без рангу:  Ecdysozoa Без рангу:  Panarthropoda Тып:  Членістаногія Падтып:  Трахейнадыхальныя Надклас:  Шасціногія Клас:  Насякомыя Падклас:  Крылатыя насякомыя Інфраклас:  Навакрылыя насякомыя Без рангу:  Antliophora Атрад:  Двухкрылыя Падатрад:  Караткавусыя Інфраатрад:  Muscomorpha Секцыя:  Schizophora Сямейства:  Безвалоскі
Міжнародная навуковая назва
Psilidae
Выявы на Вікісховішчы ITIS   142120 NCBI   34683 EOL   8994 FW   139278

Безвалоскі, галацелкі (Psilidae) — сямейства насякомых атрада двухкрылых.

Апісанне

Даўжыня 3—9 мм. Ногі доўгія. Цела слаба апушана, чорнае, бурае, чырвона-жоўтае, жоўтае. Крылы празрыстыя. Галава трохвугольная, лоб выступае наперад. Вусікі кароткія з трох членікаў.

Пашырэнне

Жывуць у вільготных цяністых мясцінах, трапляюцца ў кронах дрэў, у хмызняках, на парасонавых і канюшыне. Зімуюць у глебе і сховішчах агародніны.

На Беларусі каля 14 відаў, найбольш пашыраны муха маркоўная (Chamaepsila rosae) і муха звычайная (Psila fimetaria).

Асаблівасці біялогіі

За год 1—2 генерацыі. Лічынкі развіваюцца ў каранях або галінах раслін (некаторыя віды ўтвараюць галы).

Літаратура

• Безвало́скі, галацелкі // Энцыклапедыя прыроды Беларусі. У 5-і т. Т. 1. Ааліты — Гасцінец / Рэдкал. І. П. Шамякін (гал. рэд.) і інш. — Мн.: БелСЭ імя Петруся Броўкі, 1983. — С. 257. — 575 с., іл. — 10 000 экз.