Rhodelphis
| Rhodelphis | ||||||||
| Навуковая класіфікацыя | ||||||||
|---|---|---|---|---|---|---|---|---|
| Міжнародная навуковая назва | ||||||||
|
Rhodelphis Tikhonenkov, Gawryluk, Mylnikov, & Keeling, 2019 | ||||||||
| ||||||||
Rhodelphis[1] — род драпежных аднаклетачных раслінных арганізмаў, роднасных да чырвоных водарасцей і выдзеленыя ў новы тып эўкарыётаў Rhodelphidia. 2 віда.
Распаўсюджанне[правіць | правіць зыходнік]
Выяўленыя ў В’етнаме і Украіне. Адзін від знойдзены ў невялікім прэсным возеры ў басейне ракі Дзясна, а другі знайшлі ў марскім пяску ля берага в’етнамскага вострава, які знаходзіцца ў Паўднёва-Кітайскім моры[1][2].
Апісанне[правіць | правіць зыходнік]
Аднаклетачная драпежная расліна з двума жгуцікамі, якая другі раз страціла здольнасць да фотасінтэзу. Драпежнікі, якія ядуць іншых пратыстаў. У задняй частцы клеткі мае ілжэножкі, з дапамогай якіх паглынае не толькі бактэрый, але і іншых эўкарыёт. Бясколерныя драпежныя жгуціканосцы, роднасныя да чырвоных водарасцей. Сапраўдных хларапластаў выявіць не ўдалося нават з дапамогай электроннай мікраскапіі. Але на малекулярным узроўні знайшліся некалькі бялкоў, звязаныя з хларапластамі (напрыклад, ферэдаксін, які звычайна ўдзельнічае ў фотасінтэзе). Магчыма ў іх усё-такі ёсць нейкі бескаляровы, маленькі і рудыментарны першасны хларапласт. Мітахондрыі маюць трубчастыя крысты, у той час як для раслін, як правіла, характэрныя пласціністыя крысты[1][2].
Класіфікацыя[правіць | правіць зыходнік]
Вядома 2 віды. Род быў упершыню апісаны ў 2019 годзе групай расійскіх, канадскіх і нямецкіх пратыстолагаў. З дапамогай малекулярна-генетычнага аналізу транскрыптомаў было даказана, што на эвалюцыйным дрэве эўкарыёт гэтыя віды з’яўляюцца сястрынскай групай па адносінах да ўсіх чырвоных водарасцей. Больш таго, яны размяшчаюцца на філагенетычным дрэве супергрупы Archaeplastida ля самога яго аснавання, хоць і не ў самога кораня. Іх выяўленне вылучае гіпотэзу аб агульным міксатрофным аднаклетачным продку чырвоных водарасцей і зялёных раслін, які харчаваўся і за кошт фотасінтэтычнай пластыды, і фагатрофна. Род Rhodelphis быў вылучаны ў асобны тып эукарыёт (Rhodelphidia nom. nov.)[1][2].
- Rhodelphis limneticus Tikhonenkov, Gawryluk, Mylnikov, & Keeling, 2019
- Rhodelphis marinus Tikhonenkov, Gawryluk, Mylnikov, & Keeling, 2019
Зноскі
- ↑ а б в г Сергей Ястребов.. Открыт хищный родственник красных водорослей (руск.). 30 июля 2019. Elementy.ru. Праверана 30 ліпеня 2019.
- ↑ а б в Gawryluk Ryan M. R., Denis V. Tikhonenkov, Elisabeth Hehenberger, Filip Husnik, Alexander P. Mylnikov, Patrick J. Keeling. Non-photosynthetic predators are sister to red algae(англ.) // Nature : Часопіс. — 2019. — DOI:10.1038/s41586-019-1398-6 Published 17 July 2019
Літаратура[правіць | правіць зыходнік]
- Gawryluk Ryan M. R., Denis V. Tikhonenkov, Elisabeth Hehenberger, Filip Husnik, Alexander P. Mylnikov, Patrick J. Keeling. Non-photosynthetic predators are sister to red algae(англ.) // Nature : Часопіс. — 2019. — DOI:10.1038/s41586-019-1398-6 Published 17 July 2019
Спасылкі[правіць | правіць зыходнік]
- Сергей Ястребов.. Открыт хищный родственник красных водорослей (руск.). 30 июля 2019. Elementy.ru. Праверана 30 ліпеня 2019.
- AlgaeBase. AlgaeBase.
