Sorex araneus Linnaeus, 1758
Буразу́бка сярэ́дняя[1] (Sorex araneus) — млекакормячая жывёла роду Буразубкі (Sorex) сямейства Землярыйкавыя (Soricidae).
Нагадвае мышэй, але мордачка выцягнутая накшталт хабатка[1]. Даўжыня цела 6—8, хваста 3—5 см. Важыць 8—15 г. Поўсць аксаміцістая, цёмна-бурая, на брушку — светла-шэрая. Зубы чырванавата-бурага колеру.
Распаўсюджана на тэрыторыі Еўразіі, акрамя Крайняй Поўначы, Сярэдняй Азіі, ніжняга Паволжа[1]. Трапляецца ў мяшаных лясах, на мохавых балотах, у прыбярэжных зарасніках, зімой — у гумнах, буртах бульбы.
Начны звярок[1]. Корміцца насякомымі, чарвякамі, насеннем дрэў.
Размнажаецца некалькі разоў за год з красавіка да жніўня. У прыплодзе 2—10 дзіцянят.
