Unia
| Unia | |
|---|---|
| Жанр | Фолк-рок |
| Гады | 2006-па сённяшні дзень |
| Краіна |
 Беларусь |
| Горад | Мінск |
| Мова песень | беларуская |
| unia.na.by | |
«Unia» — беларускі фолк-рок гурт, заснаваны ўлетку 2006 года ў Мінску.
Гісторыя
[правіць | правіць зыходнік]Першы склад гурта налічваў 9 асобаў. У канцы кастрычніка 2006 года было запісана першае дэма, якое музыкі прэзентавалі на радыё «Сталіца».
З 2007 года гурт пачаў выступаць у мінскіх клубах, у лютым адбыўся дэбют у хіт-парадзе «Тузін гітоў», хоць пасля першага ж тура песня «Свахначка» вылецела з хіт-парада. Неўзабаве гурт пакінула скрыпачка, затое з'явіўся дудар. Каманда ўзяла удзел у фэсце «Фолк-безумие» ў Мінску ды выступіла на беларускім тэлебачанні (у праграме «Музыкальный плей-офф»), пасля чаго здабыла ўхвальныя водгукі крытыкаў. Замест двух вакалістаў з'явіўся новы франтмен.
У чэрвені гурт прайшоў адбор на «Басовішча 2007», на якім заняў трэцяе месца. У кастрычніку 2007 года запрацаваў афіцыйны сайт гурта. Неўзабаве адбылася чарговая змена вакаліста. Пазней гурт перамог на студэнцкім фэсце «Такие пряники». У канцы 2007 гурт узяўся за запіс дэбютнага альбому.
На Раство 2008 года гурт правёў акустычны канцэрт у жывым эфіры Беларускага нацыянальнага радыё. У маі 2008 года быў прэзентаваны дэбютны альбом «Долам».
У 2009 годзе гурт узяў удзел у фэсце «Підкамінь-2009». На пятым фэсце беларускай музыкі «Амбасовішча» «Unia» заняла трэцяе месца[1]. У тым жа годзе гурт Unia быў узнагароджаны ганаровым прызом ад Беларускага Дзяржаўнага Універсітэта Культуры і Мастацтва за ўнёсак у развіццё беларускай альтэрнатыўнай музыкі.
У 2012 годзе гурт выпускае другі студыйны альбом «Едзем».[2] У 2015 годзе Unia прадпрымае спробу змяніць фармат свайго гучання, выпусціўшы новы EP «Usled za Taboj» і заявіўшы пра магчымасць адмовы гурта ад этнікі.[3]
Дыскаграфія
[правіць | правіць зыходнік]Рэлізы
[правіць | правіць зыходнік]Удзел у зборніках
[правіць | правіць зыходнік]- 2008 — НезалежныЯ (песня «Хлопец пашаньку пахае»)
- 2008 — LiveSound. Made in Belarus (песня «Крынічанька»)
- 2008 — Не заганяйся (песня «Крынічанька»)
- 2009 — Budzma (песня «Крынічанька»)
Зноскі
- ↑ У фестывалі беларускай музыкі «Амбасовішча» перамог гурт «Хуткі смоўж» . Хартыя-97 (25 чэрвеня 2009). Праверана 5 сакавіка 2017.
- ↑ Unia нарэшце даехала да альбома / Еўрарадыё
- ↑ а б Гурт Unia выдаў EP "Usled za Taboj" (+слухаць) / Experty.by
Літаратура
[правіць | правіць зыходнік]- Д.П. «UNIA» // Энцыклапедыя беларускай папулярнай музыкі (бел.) / уклад. Дз. Падбярэзскі і інш. — Мінск: Зміцер Колас, 2008. — С. 311. — 368 с. — 2 000 экз. — ISBN 978-985-6783-42-8.
Спасылкі
[правіць | правіць зыходнік]| Фота, відэа і аўдыё | |
|---|---|
| Тэматычныя сайты |
