Ільяс Эфраімавіч Малаеў

Ільяс Эфраімавіч Малаеў
Асноўная інфармацыя
Дата нараджэння	12 студзеня 1936(1936-01-12)
Месца нараджэння	Мары, Туркменістан
Дата смерці	2 мая 2008(2008-05-02) (72 гады)
Месца смерці	Нью-Ёрк, штат Нью-Ёрк, ЗША
Месца пахавання	Нью-Ёрк
Краіна	СССР
Жонка	Мухабат Шамаева
Музычная дзейнасць
Прафесіі	паэт, кампазітар
Інструменты	tar[d]
ilyasmalayev.com

Ільяс Эфраімавіч Малаеў (узб.: Илёс Маллаев; 1936, Мары, Туркменская ССР, СССР — 2008, Нью-Ёрк, ЗША) — савецкі і ўзбекскі паэт, кампазітар, драматург і спявак. Заслужаны артыст Узбекскай ССР.

Біяграфія

Ільяс Малаеў нарадзіўся ў 1936 у горадзе Мары Туркменскай ССР (СССР) у рэлігійнай сям’і бухарскіх яўрэяў Эфраіма і Лізаветы Малаевых. Быў трэцім дзіцем у сям’і.

У юныя гады з сям’ёй прыехаў у горад Катакурган, дзе пачаў вучыцца народнай і традыцыйнай музыцы Узбекістана, асабліва шашмакому.

У 1951 годзе з’ехаў у Ташкент і выступаў з ансамблем народнай артысткі СССР Тамары Ханум, а таксама з іншымі ўзбекскімі, таджыкскімі і бухарска-яўрэйскімі артыстамі.

У 1992 годзе, пасля распаду СССР, сям’я Малаевых пакінула Узбекістан і прыехала жыць у Нью-Йорк (ЗША), пасяліўшыся ў раёне Куінс.

Знаходзячыся ў ЗША, Малаеў напісаў дзве кнігі. Абедзве яны ўтрымліваюць вершы на узбекскай, таджыкскай і бухарска-яўрэйскай мовах, якія ён не меў магчымасці надрукаваць пры савецкай уладзе ва Узбекскай ССР. Першая з іх «Шыру шакар» («Малако і цукар») — была выдадзена ў 1994 годзе, другая «Садои Дил/Калб Садоси/Девон» («Голас сэрца/Дэвон») — у 1999 годзе.

Гаварыў і пісаў на многіх мовах: рускай, армянскай, персідскай, азербайджанскай, узбекскай, таджыкскай, і на роднай бухарска-яўрэйскай мове.

Ільяс Малаеў памёр у 2008 ад цяжкай хваробы і быў пахаваны на яўрэйскіх могілках Маунт-Кармел у Нью-Ёрку.

Сям’я

• Быў жанаты з Любоўю (Мухабат) Шамаевай, народнай артысткай Узбекскай ССР.
• У іх нарадзіліся трое дзяцей: Радж, Наргіз і Віялета.