Джэк Лондан

Джэк Лондан
Jack London
Асабістыя звесткі
Імя пры нараджэнні	John Griffith Chaney
Дата нараджэння	12 студзеня 1876(1876-01-12)
Месца нараджэння	Сан-Францыска, Каліфорнія, ЗША
Дата смерці	22 лістапада 1916(1916-11-22) (40 гадоў)
Месца смерці	Глен-Элен, Каліфорнія, ЗША
Пахаванне	Jack London State Historic Park[d]
Грамадзянства	ЗША
Бацька	William Henry Chaney[d]
Маці	Flora London[d]
Жонка	Charmian London[d] і Bessie Maddern London[d]
Дзеці	Joan London[d] і Becky London[d]
Альма-матар	Каліфарнійскі ўніверсітэт у Берклі Вышэйшая школа Окленда[d]
Прафесійная дзейнасць
Род дзейнасці	пісьменнік
Гады творчасці	1895 — 1916
Жанр	прыгодніцкая літаратура
Мова твораў	англійская
Дэбют	«Тайфун ля берагоў Японіі»
Грамадская дзейнасць
Партыя	Left Party (France)[d]
Подпіс
Творы ў Вікікрыніцах
Медыяфайлы на Вікісховішчы

Джэк Ло́ндан (англ.: Jack London, пры нараджэнні Джон Гры́фіт Чэ́йні, англ.: John Griffith Chaney; 12 студзеня 1876, Сан-Францыска, Каліфорнія, ЗША — 22 лістапада 1916) — амерыканскі пісьменнік, найбольш вядомы, як аўтар прыгодніцкіх апавяданняў і раманаў.

Біяграфічныя звесткі

Вучыўся ў Каліфарнійскім універсітэце (1896—97). Быў золаташукальнікам на Алясцы (1897—98).

Творчасць

Друкаваўся з 1893. Вядомасць яму прынеслі т.зв. паўночныя апавяданні, у якіх дадзены яркія апісанні суровай паўночнай прыроды і паводзіны чалавека ў іх: зборнікі «Сын ваўка» (1900), «Бог яго бацькоў» (1901), «Дзеці маршу» (1902), раман «Дачка снягоў» (1902). Майстар анімалістычнага жанру (аповесці «Кліч продкаў», 1903; «Белы Ікол», 1906) і т.зв. марской прозы (раман «Марскі воўк»,1904; зборнік «Апавяданні паўднёвых мораў», 1911). Пад уплывам барацьбы амерыканскага пралетарыяту і рэвалюцыі 1905—07 у Расіі выдаў зборнікі публіцыстычных артыкулаў «Вайна класаў» (1905), «Рэвалюцыя» (1910), раман-утопію «Жалезная пята» (1908). Вяршыня творчасці ДжэкаЛондана — аўтабіяграфічны раман «Марцін Ідэн» (1909) пра трагічны лёс пісьменніка з народа. Аўтар раманаў «Месячная даліна» (1913), «Маленькая гаспадыня Вялікага дома» (1916), «Сэрцы трох» (выд. 1920) і інш.

На беларускую мову асобныя творы Дж. Лондана пераклалі А. Якімовіч, А. Мардвілка, Н. Саламевіч, А. Саламевіч, У. Чаркас.

Беларускія пераклады

• Нязвычайны адрывак: Апавяданне / Пер.з англ.мовы А.Мардвілкі. - Мн.: Выд.ЦК"Маладняка", 1926.
• Бук - паштовы сабака / Джэк Лёндон. - Мн.: Беларус. дзярж. выд-ва, 1930. – (Бібліятэка школьніка).
• Забаставаў: Апавяданні / Пер. А.Якімовіча. - Мн.: Белдзяржвыд, 1931.
• Кулі: Апавяданне. - Мн.: Белдзяржвыд, 1931.
• Сказанне аб Кішы / Джэк Лондан. - Мн.: ДВБ. Дзіцячая літ., 1938.
• Белы клык / Джэк Лондан. - Мн.: Дзярж. выд-ва Беларусі, 1939.
• Смок Белью / Джэк Лондан. - Мн.: Дзярж. выд-ва БССР, 1947. – (Навукова-прыгодніцкая бібліятэка).
• Кліч продкаў; Любоў да жыцця; Белы Ікол. Мн., 1997.