Павел Андрэевіч Таран

Павел Андрэевіч Таран
укр.: Павло Андрійович Таран
Файл:Vasily Osipov 1945.jpg
Дата нараджэння	5 (18) кастрычніка 1916(1916-10-18)
Месца нараджэння	сяло Шолахава, Нікапальскі раён, Украіна
Дата смерці	14 верасня 2005(2005-09-14) (88 гадоў)
Месца смерці	Масква
Месца пахавання	Траякураўскія могілкі
Альма-матар	Ваенная акадэмія Генеральнага штаба Узброеных Сіл Расійскай Федэрацыі (1958)
Месца працы	Тупалеў[d]
Грамадзянства	СССР
Прыналежнасць	СССР
Род войскаў	авіяцыя
Гады службы	1937—1979
Званне	Генерал-лейтэнант ВПС СССР
Камандаваў	240-вы гвардзейскі бамбардзіровачны авіяполк
Бітвы/войны	Савецка-фінляндская вайна, 1939-1940, Вялікая Айчынная вайна
Узнагароды і званні	Медаль «За абарону Ленінграда» Медаль «За абарону Каўказа»
Медыяфайлы на Вікісховішчы

Па́вел Андрэ́евіч Тара́н (укр.: Павло Андрійович Таран; 5 (18) кастрычніка 1916 — 14 верасня 2005) — ваенны лётчык, генерал-лейтэнант авіяцыі (1967). Двойчы Герой Савецкага Саюза (1942, 1944).

Біяграфія

П. А. Таран нарадзіўся у сяле Шолахава (зараз у Нікапальскім раёне Днепрапятроўскай вобласці, Украіна). Скончыў 7 класаў, працаваў на заводзе ў Нікапалі.
З 1937 г. у Чырвонай Арміі. У 1938 годзе скончыў Качынскую ваенную авіяцыйную школу лётчыкаў. Удзельнік паходу ў Заходнюю Украіну 1939 г., савеца-фінлядскай вайны 1939—1940 гг. Падчас Вялікай Айчыннай вайны ўдзельнічаў у баявых дзеяннях з чэрвеня 1941 года. Прайшоў шлях ад камандзіра звяна да камандзіра палка бамбардзіровачнай авіяцыі. Удзельнічаў у баях на тэрыторыі Украіны, Прыбалтыкі, Беларусі. За гады вайны здзейсніў 386 баявых вылетаў. Удзельнічаў у ліквідацыі мінскага «катла», наносіў бомбавыя ўдары па пазіцыях праціўніка на Таманскім паўвостраве, у Крыме, на Данбасе, падчас Берлінскай наступальнай аперацыі.

Пасля вайны гвардыі падпалкоўнік П. А. Таран працягваў службу ў Ваенна-паветраных сілах СССР. У 1958 годзе скончыў Ваенную акадэмію Генштаба. З 1980 г. у цэнтральным апараце Міністэрства абароны СССР. Займаў пасаду начальніка Упраўлення ППА і авіяцыі Галоўнага аператыўнага ўпраўлення Генеральнага штаба Узброеных Сіл СССР. З 1970 г. генерал-лейтэнант авіяцыі П. А. Таран у запасе, з 1979 г. — у адстаўцы. Працаваў кансультантам у АКБ імя А. М. Тупалева.
Жыў у Маскве.

Памёр 14 верасня 2005 г. Пахаваны ў Маскве на Траекураўскіх могілках.

Узнагароды

• Медаль «Залатая Зорка»
• Медаль «Залатая Зорка»
• Ордэн Леніна
• Ордэн Аляксандра Неўскага
• Ордэн Айчыннай вайны 1-й ступені
• 2 ордэны Чырвонай Зоркі
• Ордэн Працоўнага Чырвонага Сцяга
• Медаль «За абарону Ленінграда»
• Медаль «За абарону Каўказа»

і іншыя ўзнагароды, у т.л. замежных дзяржаў.

Памяць

• Помнік на магіле.
• Бронзавы бюст на радзіме Героя.
• Імя Героя прысвоена стратэгічнаму бамбардзіроўшчыку Ту-160.

Літаратура

• Беларуская энцыклапедыя: У 18 т. Т.15: Следавікі — Трыо / Рэдкал.: Г. П. Пашкоў і інш.. — Мн.: БелЭн, 2002. — Т. 15. — С. 433—434. — 552 с. — 10 000 экз. — ISBN 985-11-0251-2 (Т. 15).

Спасылкі

• Павел Андрэевіч Таран на сайце «Героі краіны»
• Таран Павел Андреевич (руск.) — артыкул з Вялікай савецкай энцыклапедыі
• Лётчик-качинец Таран Павел Андреевич (руск.)