Аляксандр Мікалаевіч Булыка

Аляксандр Мікалаевіч Булыка
Дата нараджэння	18 сакавіка 1935(1935-03-18) (89 гадоў)
Месца нараджэння	Селішча, Навагрудскі павет, Навагрудскае ваяводства, Польская Рэспубліка
Грамадзянства	БССР  Беларусь
Дзеці	Галіна Аляксандраўна Булыка
Род дзейнасці	мовазнавец
Навуковая сфера	фанетыка і мовазнаўства
Месца працы	Інстытут мовазнаўства НАНБ
Навуковая ступень	доктар філалагічных навук (1981)
Навуковае званне	прафесар член-карэспандэнт НАН Беларусі
Альма-матар	філалагічны факультэт БДУ
Партыя	КПСС
Прэміі

Аляксандр Мікалаевіч Булы́ка (нар. 18 сакавіка 1935, в. Селішча, цяпер Навагрудскі раён) — беларускі мовазнавец, доктар філалагічных навук (1981), прафесар, член-карэспандэнт АН Беларусі (1994).

Біяграфія

Скончыў БДУ (1959). Настаўнік (з 1959), у Інстытуце мовазнаўства АН (з 1962), загадчык аддзелу. У КПСС з 1961.

Член Навуковага савету «Мова і грамадства» аддзялення мовы і літаратуры АН Расіі, навуковы сакратар Рэспубліканскай тэрміналагічнай камісіі пры АН Беларусі, член камітэту па Дзяржаўных прэміях Рэспублікі Беларусь за навукова-тэхнічныя дасягненні, член савету экспертаў Беларускага вышэйшага сертыфікацыйнага камітэту, член двух саветаў па абароне навуковых прац у галіне мовазнаўства. Член рэдакцыйнага савету бюлетэню АН «Беларуская лінгвістыка»..

Дачка Галіна Булыка — беларуская пісьменніца, перакладчыца.

Навуковая дзейнасць

Галоўная тэма даследаванняў: гісторыя беларускай літаратурнай мовы. Таксама: аналіз мовы помнікаў старажытнай беларускай літаратуры (мастацкай, дзелавой, канфесіянальнай), даследаванні старабеларускай графікі, арфаграфіі, фанетыкі, марфалогіі, лексікалогіі, моўных кантактаў беларускай мовы з іншымі мовамі.

Асноўныя працы

Асабістыя

• «Развіццё арфаграфічнай сістэмы старабеларускай мовы» (1970).
• «Даўнія запазычанні беларускай мовы» (1972).
• «Лексічныя запазычанні ў беларускай мове 14—18 стст.» (Мінск, 1980).
• «Слоўнік іншамоўных слоў» (1993).
• «Слоўнік іншамоўных слоў» (1999, у 2 тамах).
• «Беларуска-рускі слоўнік для школ», «Руска-беларускі слоўнік для школ», «Слоўнік іншамоўных слоў. Актуальная лексіка» (2005).
• «Вялікі беларуска-рускі слоўнік», «Вялікі руска-беларускі слоўнік» (2019).

У суаўтарстве

• «Гістарычная лексікалогія беларускай мовы» (1970).
• «Гістарычная марфалогія беларускай мовы» (1979).

Прэміі

• Дзяржаўная прэмія Рэспублікі Беларусь у галіне навукі і тэхнікі (1998, у сааўтарстве) — за працу «Беларуская мова. Энцыклапедыя».

Гл. таксама

• Гістарычны слоўнік беларускай мовы

Літаратура

• NASB Corresponding Member Aleksandr N. BULYKO // Сайт НАН РБ Архівавана 23 кастрычніка 2007.
• Энцыклапедыя літаратуры і мастацтва Беларусі: У 5-і т. / Рэдкал.: І. П. Шамякін (гал. рэд.) і інш.. — Мн.: БелСЭ, 1984. — Т. 1. А капэла — Габелен. — С. 515. — 727 с. — 10 000 экз.

Спасылкі

• Аляксандр Мікалаевіч Булыка ў базе даных «История белорусской науки в лицах» Цэнтральнай навуковай бібліятэкі імя Якуба Коласа НАН Беларусі