Бадуэн VI Фландрскі

Бадуэн VI Фландрскі
фр.: Baudouin VI de Flandres
8-ы Граф Фландрыі 1 верасня 1067 — 17 ліпеня 1070
Папярэднік	Бадуэн V Фландрскі
Пераемнік	Арнульф III Фландрскі
граф Эно 1051 — 17 ліпеня 1070
Папярэднік	Герман
Пераемнік	Арнульф III Фландрскі
Нараджэнне	каля 1030
Смерць	17 ліпеня 1070 Хаснон[d], Сент-Аман-лез-О-Правы бераг[d], акруга Валансьен[d], дэпартамент Нор, рэгіён Нор — Па-дэ-Кале, Францыя
Месца пахавання	Абацтва Анон[d]
Род	Фландрскі дом
Бацька	Бадуэн V Фландрскі
Маці	Адэла Французская[d]
Жонка	каля Рыхільда дэ Эно[d]
Дзеці	Арнульф III[d], Бадуэн II дэ Эно[d], Агнеса Фландрская[d] і Гільберт Фландрскі[d]
Медыяфайлы на Вікісховішчы

Бадуэн VI Монс (Міралюбны) (фр.: Baudouin VI de Mons, каля 1030—17 ліпеня 1070, абацтва Анон) — граф Эно з 1051 года, граф Фландрыі з 1067 года, сын графа Бадуэна V Фландрскага і Адэлы Французскай, дочкі караля Францыі Роберта II. Паходзіў з Першага Фландрскага дому.

Біяграфія

У 1045 годзе імператар Генрыха III часова перадаў Бадуэну маркграфства Антверпен. Раней, бацька Бадуэна Бадуэн V страціў яго падчас вайны з Генрыхам. У 1051 годзе Бадуэн ажаніўся па патрабаванні бацькі з Рыхільдай, графіняй Эно, удавой графа Германа. Нягледзячы на пратэст імператара, Бадуэн завалодаў графствам, а таксама графствам Монс, маркграфствам Валансьен і паўднёвай часткай ландграфства Брабант, якія ўваходзілі ў яго на той момант. З-за блізкага сваяцтва жонкі былі адлучаны ад царквы біскупам Камбрэ Энгельбертам, але затым Папа Леў IX даў згоду на шлюб. Двое дзяцей Рыхільды ад Германа былі пазбаўлены спадчыны бацькі; яго сын Ражэ ў 1066 годзе стаў біскупам Шалон-сюр-Марна, а дачка сышла ў манастыр.

Пасля смерці бацькі ў 1067 годзе Бадуэн VI аб’яднаў Фландрыю і Эно, дзе кіраваў тры гады да сваёй смерці ў 1070 годзе. Як граф Эно, Бадуэн прызнаў паміж 1066 і 1070 гадамі гільдыю ў Валансьене. Ён аднавіў абацтва Анон, дзе пасля і быў пахаваны. Пачатак яго кіраванне было адзначана заснаваннем абацтва Грамон (Гераардсберген), якое атрымала палёгкі ў 1068 годзе.

Ведаючы, што ён хворы, Бадуэн склікаў савет у Аўдэнардэ, на якім прыняў рашэнне паставіць двух малалетніх сыноў — Арнульфа і Бадуэна пад апеку маці, прычым у выпадку смерці аднаго з яго сыноў, іншы павінен быў стаць яго спадчыннікам. Перад смерцю яму ўдалося перадаць свае землі старэйшаму сыну Арнульфу III. Таксама ён папрасіў свайго брата Роберта Фрызскага абараняць сваіх дзяцей. Ён памёр неўзабаве пасля гэтага, 17 ліпеня 1070 года.

Кіраванне Бадуэна VI адзначылася перыядам унутранага і знешняга міру. Нягледзячы на ўсе меры, ранняя смерць Бадуэна спарадзіла дынастычныя спрэчкі. Ужо 22 лютага 1071 года Арнульф быў забіты ў барацьбе са сваім дзядзькам Робертам Фрызскім у бітве пры Каселі разам з графам Херэфарда Вільямам Фіц-Осбернам, а Роберт узурпаваў уладу ў Фландрыі. Малодшы сын, Бадуэн II стаў графам Эно пасля гібелі Арнульфа.

Шлюб і дзеці

Жонка (з 1051): Рыхільда дэ Эно (памерла 15 сакавіка 1087, Месін, пахавана ў абацтве Анон), удава графа Эно Германа. Дзеці ад гэтага шлюбу:

• Арнульф III (1054, Бавінгоф — 22 лютага 1071 года) — граф Фландрыі і граф Эно з 1070
• Бадуэн II (1056—1098, пасля 8 чэрвеня) — граф Эно з 1071
• Агнэс (памерла 1071 ці пазней)

Літаратура

• Пиренн А. Средневековые города Бельгии. — СПб.: Издательская группа «Евразия», 2001. — 512 с. — 2000 экз. — ISBN 5-8071-0093-X.
• E. Brandenburg. Die Nachkommen Karls des Gro?en. — Leipzig, 1935. — С. 9.
• Alberdingk Thijm. Balduin VI. — Allgemeine Deutsche Biographie (ADB). — Leipzig: Band 2. Duncker & Humblot, 1875. — С. 9.

Спасылкі

• BAUDOUIN VI Count of Flanders (англ.). Foundation for Medieval Genealogy. Праверана 17 снежня 2011.
• BALDUIN VI, 1067 Graf von Flandern (ням.). Die Genealogie der Franken und Frankreichs - Die fränkischen Adelsgeschlechter des Mittelalters. Архівавана з першакрыніцы 13 красавіка 2012. Праверана 17.12.2011.
• Baldwin (Baudouin) V de Lille (англ.). Архівавана з першакрыніцы 13 красавіка 2012. Праверана 17.12.2011.