Вятроўнік звычайны

Вятроўнік звычайны
Навуковая класіфікацыя
прамежныя рангі Дамен:  Эўкарыёты Царства:  Расліны Аддзел:  Кветкавыя Клас:  Двухдольныя Парадак:  Ружакветныя Сямейства:  Ружавыя Падсямейства:  Rosoideae Трыба:  Ulmarieae Lam. & DC., 1806 Род:  Вятроўнік Від:  Вятроўнік звычайны
Міжнародная навуковая назва
Filipendula vulgaris Moench, 1794
Сінонімы
Гл. тэкст
Сістэматыка на Віківідах Выявы на Вікісховішчы ITIS   25172 NCBI   32228 EOL   634471 GRIN   t:104611 IPNI   724945-1 TPL   rjp-3

Вятро́ўнік звычайны, земляныя арэшкі (Filipendula vulgaris) — від кветкавых раслін з роду Вятроўнік (Filipendula) сямейства Ружавыя (Rosaceae).

Батанічнае апісанне

Батанічная ілюстрацыя Якаба Штурма з кнігі «Deutschlands Flora in Abbildungen», 1796

Шматгадовая травяністая расліна вышынёй 30—60 см. Сцябло прамастойнае. Лісце чаргаванае па даўжыні сцябла і ў прыкаранёвай разетцы, двойчыперыста-надрэзанае, з вузкім долямі. На каранях расліны маюцца клубні («арэшкі») верацёнападобнай ці амаль шарападобнай формы. Кветкі дробныя, з шасцю чашалісцікамі і пялёсткамі, у мяцёльчатых суквеццях. Колер кветак белы з чырванаватым адценнем. Плод — сухі шматарэшак з 12 прамых, злёгку апушаных плодзікаў.

Распаўсюджанне і экалогія

Еўраазіяцкі від. Расце на заліўных лугах, у поймах рэк, на ўзлесках і лясных палянах, сярод хмызняку. Цвіце ў чэрвені—ліпені.

Выкарыстанне

Лекавая расліна. Выкарыстоўваюцца карэнішчы з клубянькамі. Клубянькі ядомыя.

Сінонімы

На сайце The Plant List пералічаны наступныя сінонімы:

• Filipendula filipendula (L.) Voss
• Filipendula hexapetala Gilib.
• Filipendula hexapetala Gilib. ex Maxim.
• Filipendula pubescens (DC.) Fourr.
• Spiraea filipendula L.
• Spiraea filipendula var. minor Gouan ex Cambess.
• Spiraea filipendula var. pubescens (DC.) Cambess.
• Spiraea filipendula var. vulgaris Cambess.
• Spiraea gigantea Gand.
• Spiraea noeana Gand.
• Spiraea pubescens DC.
• Spiraea tuberosa Salisb.
• Spiraea vulgaris (Moench) Gray
• Ulmaria filipendula (L.) Hill
• Ulmaria filipendula (L.) A.Braun ex Asch.
• Ulmaria filipendula (L.) Hill ex Focke

Літаратура

• Прусакова Б. М. Вятроўнік // Энцыклапедыя прыроды Беларусі. У 5-і т. Т. 1. Ааліты — Гасцінец / Рэдкал. І. П. Шамякін (гал. рэд.) і інш. — Мн.: БелСЭ імя Петруся Броўкі, 1983. — С. 526—527. — 575 с., іл. — 10 000 экз.

Спасылкі

• Лабазник обыкновенный — Filipendula vulgaris: інфармацыя пра таксон у праекце «Плантариум» (вызначальнік раслін і ілюстраваны атлас відаў). (руск.)