Вільнюскі тэхнічны ўніверсітэт Гедзіміна

Вільнюскі тэхнічны ўніверсітэт Гедзіміна (VGTU)
Vilniaus Gedimino technikos universitetas
Арыгінальная назва	Vilniaus Gedimino technikos universitetas
Міжнародная назва	Vilnius Gediminas Technical University
Заснаваны	1956
Тып	дзяржаўная тэхнічная ВНУ
Рэктар	Romualdas Kliukas[d]
Краіна	Літва
Размяшчэнне	Літва, Вільнюс
Сайт	vgtu.lt
Медыяфайлы на Вікісховішчы

Вільнюскі тэхнічны ўніверсітэт Гедзіміна (літ.: Vilniaus Gedimino technikos universitetas) — вышэйшая тэхнічная навучальная ўстанова ў горадзе Вільнюс, Літва.

Гісторыя

Вільнюскі тэхнічны ўніверсітэт Гедзіміна быў створаны ў 1956 годзе як Вільнюскі вячэрні аддзел Каўнаскага політэхнічнага інстытута. У 1960 годзе аддзел быў ператвораны ў Вільнюскі вячэрні факультэт Каўнаскага політэхнічнага інстытута, а ў 1961 годзе факультэт быў ператвораны ў Вільнюскі філіял КПІ. У 1969 годзе Вільнюскі філіял КПІ быў перайменаваны ў Вільнюскі інжынерна-будаўнічы інстытут. У 1990 годзе ВІБІ пераймяноўваецца ў Вільнюскі тэхнічны ўніверсітэт, а ў 1996 годзе яму надаецца імя вялікага князя літоўскага Гедзіміна.

Факультэты

У склад універсітэта ўваходзяць наступныя факультэты:

• Авіяцыйны інстытут імя Антанаса Густайціса
• Будаўнічы факультэт
• Механічны факультэт
• Транспартны факультэт
• Факультэт менеджменту
• Факультэт навакольнага асяроддзя
• Факультэт творчай індустрыі
• Факультэт фундаментальных навук
• Факультэт электронікі

Спасылкі

• Гісторыя Вільнюскага тэхнічнага ўніверсітэта Гедзіміна
• Спіс факультэтаў VGTU