Генадзь Васілевіч Багдановіч

Генадзь Васілевіч Багдановіч
Род дзейнасці	грамадскі дзеяч
Дата нараджэння	31 жніўня 1885(1885-08-31)
Месца нараджэння	Мікольскае, Дрысенскі павет, Віцебская губерня, Расійская імперыя
Дата смерці	15 студзеня 1938(1938-01-15) (52 гады)
Месца працы	Беларускі нацыянальны камісарыят Віленская беларуская гімназія Віцебскі педагагічны тэхнікум[d] Віцебскі ветэрынарны інстытут
Альма-матар	Віцебская духоўная семінарыя (1907) Віленскі настаўніцкі інстытут[d]
Член у	Беларускае навуковае таварыства

Генадзь Васілевіч Багдановіч (31 жніўня 1885, в. Мікольскае Дрысенскага павета Віцебскай губерні — 15 студзеня 1938 (?)) — беларускі грамадскі дзеяч. Брат Вячаслава Багдановіча.

Біяграфія

Скончыў Віцебскую духоўную семінарыю (1907), Віленскі настаўніцкі інстытут. У 1918 загадчык юрыдычнага аддзела Белнацкама ў Петраградзе. З 1919 настаўнічаў у Дрысе, пазней — у Віленскай беларускай гімназіі. Выдаваў газету «Незалежная думка». У 1924 эмігрыраваў у СССР, працаваў выкладчыкам віцебскіх педагагічнага тэхнікума і ветэрынарнага інстытута.

15 ліпеня 1930 арыштаваны ДПУ БССР па справе СВБ. Пастановай Калегіі АДПУ СССР ад 10 красавіка 1931 сасланы ў г. Слабадскі Кіраўскай вобласці. Падлягаў пільнаму нагляду АДПУ СССР, трактаваўся як «нераззброены нацдэм». Паўторна арыштаваны 25 ліпеня 1937. Загінуў у зняволенні. Абставіны смерці невядомыя. Рэабілітаваны 15 лістапада 1957.

Літаратура

• Беларуская энцыклапедыя: У 18 т. Т.2: Аршыца — Беларусцы / Рэдкал.: Г. П. Пашкоў і інш. — Мн.: БелЭн, 1996. — Т. 2. — С. 204. — 480 с. — 10 000 экз. — ISBN 985-11-0061-7 (т. 2).