Глеб Сяргеевіч Сямёнаў

Глеб Сяргеевіч Сямёнаў
Асабістыя звесткі
Дата нараджэння	18 красавіка 1918(1918-04-18)
Месца нараджэння	Петраград, РСФСР
Дата смерці	23 студзеня 1982(1982-01-23) (63 гады)
Месца смерці	Ленінград, РСФСР, СССР
Пахаванне	Волкаўскія могілкі[d]
Грамадзянства	СССР
Альма-матар	Хімічны факультэт Санкт-Пецярбургскага дзяржаўнага ўніверсітэта[d]
Прафесійная дзейнасць
Род дзейнасці	пісьменнік, паэт, перакладчык
Грамадская дзейнасць
Член у	Саюз пісьменнікаў СССР

Глеб Сяргеевіч Сямёнаў (руск.: Глеб Сергеевич Семёнов, пры нараджэнні Глеб Барысавіч Дэген (руск.: Глеб Борисович Деген); 18 красавіка 1918 — 23 студзеня 1982) — рускі савецкі паэт, перакладчык, кіраўнік літаратурных аб’яднанняў маладых пісьменнікаў.

Біяграфія

Нарадзіўся ў Петраградзе. Скончыў сярэднюю школу. Паступіў на хімічны факультэт Ленінградскага дзяржаўнага ўніверсітэта, які скончыў у 1941 годзе. Працаваў у Ленінградзе ў лабараторыі мясцовай супрацьпаветранай абароны. У 1943 годзе быў эвакуіраваны, да 1944 года жыў у вёсцы Шыбунічы ў Пермскай вобласці. У 1944 годзе Глеб Сямёнаў вярнуся ў Ленінград. Стаў членам Саюз пісьменнікаў СССР, займаўся творчасцю, працаваў адказным сакратаром Камісіі па працы з маладымі літаратарамі пры Ленінградскім аддзяленні Саюза пісьменнікаў. У 1947—1981 гадах кіраваў некалькімі літаратурнымі аб’яднаннямі: Палаца піянераў імя Жданава (1947—1950), Політэхнічнага інстытута, Горнага інстытута (з пачатку 1950-х па 1957 год), Палаца культуры імя Першай пяцігодкі (у канцы 1950-х — 1960-х гадах). Да 1981 года кіраваў аб’яднаннем пісьменнікаў Дома вучоных імя М. Горкага. Падчас нядоўгага жыцця ў Маскве кіраваў і некалькімі маскоўскімі літаратурнымі аб’яднаннямі.

Творчасць

Друкавацца пачаў у 1935 годзе. Творчасці Глеба Сямёнава ўласцівы высокая культура верша. У цэнтры яго паэтычнага свету — жыццё сучасніка-гараджаніна ў складаным, часам нябачным драматызме быцця, роздум пра радзіму, апавяданне рускай прыроды, успамін пра блакаду Ленінграда, роздум пра паўсядзённае жыццё горада, пра лёс звычайнага чалавека з яго клопатамі і праблемамі.

Таксама Г. С. Сямёнаў займаўся перакладамі. Перакладаў на рускую мову рубаі Амара Хаяма, паэзію славянскіх народаў і народаў Крайняй Поўначы. Пераклаў каля 50 твораў Янкі Купалы.

Літаратура

• Сямёнаў Глеб Сяргеевіч // Беларуская энцыклапедыя: У 18 т. Т. 15: Следавікі — Трыо / Рэдкал.: Г. П. Пашкоў і інш. — Мн. : БелЭн, 2002. — Т. 15. — С. 346. — 10 000 экз. — ISBN 985-11-0035-8. — ISBN 985-11-0251-2 (т. 15).
• Семёнов Георгий Витальевич // Литературный энциклопедический словарь (руск.) / [Подгот. Е. И. Бонч-Бруевич и др.]; Под общ. ред. В. М. Кожевникова, П. А. Николаева. — М.: Советская энциклопедия, 1987. — С. 696. — 750 с. — 100 000 экз.
• Семёнов Глеб Сергеевич // Лексикон русской литературы XX века = Lexikon der russischen Literatur ab 1917 / В. Казак; [пер. с нем.]. — М. : РИК «Культура», 1996. — С. 373. — 491, [1] с. — 5000 экз. — ISBN 5-8334-0019-8. (руск.)

Спасылкі

• Нина Королёва Наш учитель поэт Глеб Семенов // Журнал «Звезда», № 5, 2008 (руск.)
• Подольский С. Я. Поэты моей юности. Глеб Сергеевич Семёнов // «Литературный Кисловодск», № 77 (2021) (руск.)
• Сергей Стратановский К 100-летию Глеба Семёнова // Журнал «Звезда» (руск.)
• Акимов В. М. Семёнов Глеб Сергеевич // ХРОНОС (руск.)