Дзмітрый Аляксеевіч Супруненка

Дзмітрый Аляксеевіч Супруненка
Дата нараджэння	8 лістапада 1915(1915-11-08)
Месца нараджэння	Майкоп, Кубанская вобласць[d], Расійская імперыя
Дата смерці	1 жніўня 1990(1990-08-01) (74 гады)
Грамадзянства	Расійская імперыя  СССР
Дзеці	Ірына Дзмітрыеўна Супруненка
Род дзейнасці	матэматык
Месца працы	БДУ Інстытут матэматыкі НАН Беларусі
Навуковая ступень	доктар фізіка-матэматычных навук (1955)
Навуковае званне	прафесар (1956) акадэмік Акадэміі навук Беларускай ССР (1966)
Альма-матар	Растоўскі дзяржаўны ўніверсітэт
Навуковы кіраўнік	Уладзімір Вельмін[d]
Прэміі
Узнагароды

Дзмітрый Аляксеевіч Супруне́нка (8 лістапада 1915, Майкоп, Адыгея — 1 жніўня 1990) — беларускі матэматык, доктар фізіка-матэматычных навук (1955), прафесар (1956), акадэмік Акадэміі навук БССР (1966).

Біяграфія

Скончыў Растоўскі дзяржаўны ўніверсітэт (1938). У 1945—1963 гадах дацэнт, загадчык каферы, прафесар, дэкан матэматычнага факультэта БДУ. У 1963—1987 гадах загадчык лабараторыі Інстытута матэматыкі АН БССР, з 1987 года — галоўны навуковы супрацоўнік. Бацька Ірыны Супруненка.

Навуковая дзейнасць

Навуковыя працы па алгебры і матэматычнай кібернетыцы. Пабудаваў тэорыю развязальных і лакальна-нільпатэнтных лінейных груп і груп падстаноў, даследаваў р-падгрупы Сілава поўнай лінейнай групы, класіфікаваў мінімальныя камутатыўныя падалгебры поўнай метрычнай алгебры над полем, распрацаваў метады развязання экстрэмальных задач на падстановах.

Узнагароды

Ордэн Працоўнага Чырвонага Сцяга (1978), Айчыннай вайны (1985), Дружбы народаў (1985), «Знак Пашаны» (1961), медалі.

Дзяржаўная прэмія БССР 1974 года за манаграфію «Группы матриц» (1972).

Асноўныя працы

• Разрешимые и нильпотентные линейные группы. — Мн.: Изд-во БГУ им. В. И. Ленина, 1958.
• Перестановочные матрицы. — Мн.: Наука и техника, 1966 (совм. с Р. И. Тышкевич).
• Группы матриц. — М.: Наука, 1972.
• Группы перестановок. — Мн.: Навука i тэхніка, 1996.

Літаратура

• Супруненка Дзмітрый Аляксеевіч // Беларуская энцыклапедыя: У 18 т. Т. 15: Следавікі — Трыо / Рэдкал.: Г. П. Пашкоў і інш. — Мн. : БелЭн, 2002. — Т. 15. — С. 276. — 10 000 экз. — ISBN 985-11-0035-8. — ISBN 985-11-0251-2 (т. 15).
• Супруненка Дзмітрый Аляксеевіч // Беларусь: энцыклапедычны даведнік / Рэдкал. Б. І. Сачанка (гал. рэд.) і інш.; Маст. М. В. Драко, А. М. Хількевіч. — Мн.: БелЭн, 1995. — С. 692. — 800 с. — 5 000 экз. — ISBN 985-11-0026-9.

Спасылкі

• Дзмітрый Аляксеевіч Супруненка ў базе даных «История белорусской науки в лицах» Цэнтральнай навуковай бібліятэкі імя Якуба Коласа НАН Беларусі (руск.)