Канапляны алей

Канапля́ны алей — высыхальны алей, атрымліваемы з насення каноплі метадам прасавання або экстрагавання арганічнымі растваральнікамі.

Вадкасць жоўта-зялёнага колеру. Застывае пры тэмпературы -27 °С. Шчыльнасць 939 кг/м³ пры тэмпературы 15 °С.

Выкарыстоўваецца пераважна ў прамысловасці ў вытворчасці пакосту, фарбаў і лакаў. Таксама ў некаторых краінах харчовы прадукт.

Літаратура

• Беларуская энцыклапедыя: У 18 т. Т. 7: Застаўка — Кантата / Рэдкал.: Г. П. Пашкоў і інш.. — Мн.: БелЭн, 1998. — Т. 7. — С. 571. — 608 с. — 10 000 экз. — ISBN 985-11-0130-3.