Кутаіскі дзяржаўны ўніверсітэт імя Акакія Цэрэтэлі

Кутаіскі дзяржаўны ўніверсітэт імя Акакія Цэрэтэлі
груз. ქუთაისის აკაკი წერეთლის სახელმწიფო უნივერსიტეტი
Арыгінальная назва	груз. ქუთაისის აკაკი წერეთლის სახელმწიფო უნივერსიტეტი
Міжнародная назва	англ.: Akaki Tsereteli State University
Заснаваны	1930
Краіна	Грузія
Размяшчэнне	Кутаісі
Сайт	atsu.edu.ge
Медыяфайлы на Вікісховішчы

Кутаіскі дзяржаўны ўніверсітэт імя Акакія Цэрэтэлі (груз. ქუთაისის აკაკი წერეთლის სახელმწიფო უნივერსიტეტი) — грузінская дзяржаўная вышэйшая навучальная ўстанова са статусам універсітэта і з сядзібай у горадзе Кутаісі.

Гісторыя

Універсітэт быў створаны на базе Тбіліскага дзяржаўнага ўніверсітэта. У ліпені 1930 года, калі Грузія ўжо знаходзілася пад савецкай уладай, улады скасавалі Тбіліскі дзяржаўны ўніверсітэт, стварыўшы на яго месцы чатыры незалежныя інстытуты. Адным з такіх быў універсітэтаў Дзяржаўны педагагічны інстытут.

8 студзеня 1933 года Тбіліскі дзяржаўны універсітэт быў адноўлены, а Дзяржаўны педагагічны інстытут пераехаў у Кутаісі і стаў называцца Кутаіскім універсітэтам. Размешчаны ў цэнтры горада, ён пачаў функцыянаваць з 13 лютага 1933 года. Да 700 студэнтаў пераехалі ў Кутаісі з Тбілісі каб працягнуць вучобу ва ўніверсітэце.

У 1990 годзе ўніверсітэт быў ператвораны ў дзяржаўны ўніверсітэт імя Акакія Цэрэтэлі, названы ў гонар грузінскага паэта і дзеяча нацыянальна-вызвольнага руху. 23 лютага 2006 года ўлады аб'ядналі ўніверсітэт з Кутаіскім політэхнічным інстытутам імя Н. Мусхелішвілі, які быў заснаваны 1 верасня 1974 года, палепшыўшы яго выкладчыцкі склад і вучэбную праграму па тэхнічных прадметах.

Структура

• Гуманітарны факультэт
• Факультэт педагогікі
• Факультэт дакладных і прыродазнаўчых навук
• Факультэт бізнесу, права і сацыяльных навук
• Медыцынскі факультэт
• Інжынерна-тэхнічны факультэт
• Інжынерна-тэхналагічны факультэт
• Факультэт сельскай гаспадаркі
• Факультэт марскога транспарту

Спасылкі

• На Вікісховішчы ёсць медыяфайлы па тэме Кутаіскі дзяржаўны ўніверсітэт імя Акакія Цэрэтэлі
• Афіцыйная інтэрнэт-старонка ўстановы