Магеланавы лясы
| Магеланавы лясы | |
|---|---|
 Від на Магеланавы лясы блізка да лясной лініі ў нацыянальным парку Торэс-дэль-Пайне, Чылі | |
| Біём | Лес умеранай зоны |
| Мяжуе з | Патагонская пустыня і Вальдыўскія лясы |
| Плошча | 147,200 км² |
| Краіны | Чылі і Аргенціна |
Магеланавы субпалярныя лясы — экарэгіён, які ўключае ў сябе паўднёвую Патагонію і архіпелаг Вогненная Зямля, гэта самы паўднёвы лясны масіў планеты. На поўначы размешчаны Вальдыўскія лясы і Патагонская пустыня.
Апісанне
[правіць | правіць зыходнік]Плошча лясоў каля 150 тыс. км². Клімат вільготны марскі, з прахалодным летам (каля +10 °С), але мяккай зімой (каля 0 °С). Ападкі выпадаюць на працягу ўсяго года, зімой пераважна ў выглядзе мокрага снегу, летам — дажджы (рэдка снег), іх колькасць адрозніваецца да 4000 мм на захадзе і каля 500 мм на ўсходзе.
Значную плошчу з-за моцных вятроў займае крывалессе.
Флора
[правіць | правіць зыходнік]Тыповыя прадстаўнікі флоры — Maytenus magellanica, паўднёваамерыканскія віды Nothofagus, Drimys winteri, Misodendrum punctulatum, Pilgerodendron uviferum, а таксама Fragaria chiloensis і Berberis buxifolia.
Фаўна
[правіць | правіць зыходнік]Фаўна прадстаўлена самым маленькім у свеце аленем Pudu, выдрай Lontra provocax, у паўночнай частцы сустракаецца пума. З птушак насяляюць Campephilus magellanicus, Phrygilus patagonicus, Mimus patagonicus. На ўзбярэжжы — тыповыя марскія птушкі: чайкі (Larus), Procellariidae, Diomedea, крачкі (Sterna), пінгвіны (Spheniscidae).
Ахова
[правіць | правіць зыходнік]На тэрыторыі Магеланавых лясоў у Аргенціне і Чылі створана больш за дзясятак нацыянальных паркаў і ахоўных зон.