Міхаіл Іванавіч Семянцоў

Міхаіл Іванавіч Семянцоў
Дата нараджэння	26 верасня 1917(1917-09-26)
Месца нараджэння	Кіеў, Кіеўская губерня, Расійская імперыя
Дата смерці	12 лютага 1945(1945-02-12) (27 гадоў)
Месца смерці	Верхняя Сілезія, Мараўскасілезскі край, Чэхія
Грамадзянства	СССР
Прыналежнасць	СССР
Род войскаў	авіяцыя
Гады службы	1938—1945
Званне	гвардыі старшы лейтэнант
Бітвы/войны	Вялікая Айчынная вайна
Узнагароды і званні

Міхаіл Іванавіч Семянцо́ў (26 верасня 1917—12 лютага 1945) — ваенны лётчык, гвардыі старшы лейтэнант, удзельнік Вялікай Айчыннай вайны. Герой Савецкага Саюза (1943).

Нарадзіўся ў Нікольскай слабодцы (зараз у межах Кіева). праз некалькі гадоў сям'я пераехала ў пасёлак Ільіч (каля Гомеля). Тут М. І. Семянцоў скончыў васьмігодку, школу ФЗВ. Працаваў слесарам на прадзільнай фабрыцы і на чыгунцы ў Гомелі. Адначасова вучыўся ў аэраклубе.
У Чырвонай Арміі з 1938 года. У 1940 г. скончыў Адэскую ваенную авіяцыйную школу пілотаў, праходзіў службу на Далёкім Усходзе. Падчас Вялікай Айчыннай вайны са жніўня 1941 г. на фронце. Удзельнік баёў у Данбасе, на Каўказе, Курскай дузе, Украіне, Польшчы, Германіі.

Намеснік камандзіра эскадрыллі 41-га гвардзейскага знішчальнага авіяцыйнага палка (8-я знішчальная авіяцыйная дывізія, 5-ы знішчальны авіяцыйны корпус, 2-я паветраная армія) гвардыі старшы лейтэнант М. І. Семянцоў да ліпеня 1943 г. зрабіў 270 баявых вылетаў, прымаў удзел у 69 паветраных баях, збіў 12 асабіста і ў групе 9 самалётаў праціўніка. Двойчы тараніў варожыя самалёты. Усяго збіў асабіста 18 і ў групе 12 самалётаў.

Загінуў 12 лютага 1945 г.у баі ў раёне аэрадрома Нейсэ.

Узнагароды

• Медаль «Залатая Зорка»
• Ордэн Леніна
• 2 ордэны Чырвонага Сцяга
• Ордэн Чырвонай Зоркі
• медалі.

Памяць

• М. І. Семянцоў навечна залічаны ў спіс часткі.
• На будынку ДТСААФ у Гомелі ўстаноўлена мемарыяльная дошка.

Літаратура

• Семянцоў Міхаіл Іванавіч // Беларуская энцыклапедыя: У 18 т. Т. 14: Рэле — Слаявіна / Рэдкал.: Г. П. Пашкоў і інш. — Мн. : БелЭн, 2002. — Т. 14. — С. 323. — 10 000 экз. — ISBN 985-11-0035-8. — ISBN 985-11-0238-5 (т. 14).

Спасылкі

• Лучшие Асы России, 1914—1953 гг. (руск.)
• Міхаіл Іванавіч Семянцоў на сайце «Героі краіны»
• Семянцоў Міхаіл Іванавіч на сайце анлайн-энцыклапедыі «Беларусь у асобах і падзеях»
• Память народа — электронный банк документов периода Великой Отечественной войны Архівавана 28 кастрычніка 2021. (руск.)