Нані Георгіеўна Брэгвадзэ

Нані Георгіеўна Брэгвадзэ
груз. ნანი ბრეგვაძე
Асноўная інфармацыя
Дата нараджэння	21 ліпеня 1936(1936-07-21) (87 гадоў)
Месца нараджэння	Тыфліс, Грузінская ССР, СССР
Краіна	СССР  Грузія
Дзеці	Эка Мамаладзэ[d]
Альма-матар	Тбіліская дзяржаўная кансерваторыя імя Вано Сараджышвілі
Музычная дзейнасць
Прафесіі	спявачка, музычны педагог, піяністка
Пеўчы голас	мецца-сапрана
Інструменты	фартэпіяна і вакал
Жанры	раманс
Грамадская дзейнасць
Член у	Арэра
Узнагароды	Народны артыст Грузінскай ССР[d]
Медыяфайлы на Вікісховішчы

Нані Георгіеўна Брэгвадзэ (груз. ნანი გიორგის ასული ბრეგვაძე; нар. 21 ліпеня 1936) — грузінская спявачка, піяністка, педагог, народная артыстка СССР (1983).

Біяграфія

Нані Брэгвадзэ нарадзілася 21 ліпеня 1936 года (па іншых крыніцах — у 1938 годзе) у Тбілісі. Імя Нані атрымала ў гонар гераіні фільма «Залатая даліна».

Вырасла ў музычнай сям’і. Адна з цётак выдатна спявала рамансы. Маленькай дзяўчынкай, ва ўзросце шасці гадоў, Нані ўжо спявала пад гітару «Веснічку», «Не з’яжджай ты, мой галубок», «Караван», іншыя старадаўнія рускія песні і рамансы.

Скончыла музычную школу, потым музычны тэхнікум. З 1956 года — у самадзейным эстрадным аркестры Грузінскага політэхнічнага інстытута. У 1957 годзе стала лаўрэатам 6-га Сусветнага фестывалю моладзі і студэнтаў у Маскве, выканаўшы песню Г. Бзванелі на вершы І. Грышашвілі «Патушыла я свечку».

У 1957 годзе разам з аркестрам ДПІ Нані Брэгвадзэ выступіла ў Маскве на сцэне тэатра Савецкай Арміі.

У 1963 годзе скончыла Тбіліскую дзяржаўную кансерваторыю імя В. Сараджышвілі па класе фартэпіяна Гаянэ Мачутадзэ. Спецыяльнай вакальнай адукацыі не атрымала. Будучы яшчэ студэнткай, пачала спяваць у Тбіліскім дзяржаўным эстрадным аркестры «Рэра» пад кіраўніцтвам К. Пеўзнера Грузінскай дзяржаўнай філармоніі (1959—1964).

У 1964 годзе гастралявала з Маскоўскім мюзік-холам у Парыжы. Тады ўпершыню выступіла ў сусветна вядомай зале «Алімпія». Пасля гастроляў яе запрасілі ў вакальна-інструментальны ансамбль «Арэра», у якім яна прапрацавала салісткай 15 гадоў, пабываўшы больш чым у 80 краінах.

У 1966 годзе да ансамбля далучыўся Вахтанг Кікабідзэ (ударныя інструменты, вакал), які стаў блізкім сябрам спявачкі.

Прыняла ўдзел у фестывалі «Залаты шлягер 2006» у Магілёве.

У час расійска-грузінскай вайны 2008 года адмяніла юбілейныя канцэрты ў Расіі.

Літаратура

• Беларуская энцыклапедыя: У 18 т. Т. 3: Беларусы — Варанец / Рэдкал.: Г. П. Пашкоў і інш. — Мн. : БелЭн, 1996. — Т. 3. — 511 с. — 10 000 экз. — ISBN 985-11-0035-8. — ISBN 985-11-0068-4 (т. 3).