Паўстанні ў Кот-д’Івуары (2017)
Паўстанні ў Кот-д’Івуары 2017 года | |||
---|---|---|---|
![]() Мяцежнікі на вуліцах Бандуку, 13 мая. | |||
Дата | 6—8 студзеня, 17 студзеня, 8—16 мая 2017 | ||
Месца | Кот-д’Івуар | ||
Прычына | цяжкія ўмовы жыцця і працы, нізкая заработная плата | ||
Вынік | мірнае пагадненне: выплата мяцежнікам грашовай кампенсацыі ў памеры 7 млн франкаў КФА | ||
Праціўнікі | |||
|
|||
Камандуючыя | |||
|
|||
Сілы бакоў | |||
|
|||
Агульныя страты | |||
|
|||
![]() |
Паўстанні ў Кот-д’Івуары 2017 года — серыя ўзброеных выступленняў вайскоўцаў Узброеных Сіл Кот-д’Івуара ў студзені і маі 2017 года. Бунты ахапілі такія гарады як Абіджан, Ямусукра, Ман, Буаке, Адзіене, Карога, Далоа, Дымбакро, Бандуку, Тулепле, Даўкро, Абоба.
Студзеньскі мяцеж
[правіць | правіць зыходнік]6 студзеня група дэмабілізаваных салдат уварвалася ў горад Буаке. Каля дзвюх гадзін ночы яны ўступілі ў перастрэлку з мясцовымі сілавікамі. Затым вайскоўцы захапілі зброю на паліцэйскіх участках і занялі пазіцыі на паўночным і паўднёвым уездах у горад. Сам Буаке патрулявалі атрады паўстанцаў у балаклавах на аўтамабілях і матацыклах. Акрамя таго, раніцай адбыўся бой ля ваеннага лагера ў Далоа[5]. Крыху пазней сутыкненні зафіксаваны ў горадзе Карога[6].
7 студзеня паступілі паведамленні аб перастрэлках на ваеннай базе ў цэнтры Абіджана і Мане[7].
Мяцежнікі запатрабавалі павышэння зарплаты, выплаты бонусаў і скарачэння тэрмінаў, неабходных для атрымання больш высокіх званняў[6]. Урад прыняў пажаданні бунтаўнікоў. Дэлегацыя на чале з міністрам абароны Ален-Рышарам Данвахі дасягнула пагаднення з паўстанцамі. Згодна з умовамі здзелкі большасць салдат вярнуліся ў казармы ўвечары 7-га чысла. Некаторыя засталіся патруляваць вуліцы, каб не дапусціць марадзёрства[8].
У якасці закладу мяцежнікі ўзялі ў закладнікі міністра абароны Данвахі і намесніка камандзіра лаяльнай Рэспубліканскай гвардыі Ісіяка Уатара, але пасля выканання ўладамі сваіх абяцанняў адпусцілі іх. На 8 студзеня сітуацыя канчаткова стабілізавалася, і паўстанцы раззброіліся[3].
17 студзеня ўспыхнулі выступленні ў Ямусукра, Буаке, Мане, Дымбакро і Далоа. Мяцежнікі хацелі атрымаць аналагічныя саступкі[9] Гэтым разам не абышлося без ахвяр. У Ямусукра былі застрэлены чатыры чалавекі, у тым ліку не менш за двух мяцежнікаў, забітых Рэспубліканскай гвардыяй[10].
Майскі мяцеж
[правіць | правіць зыходнік]8 мая пачаўся новы бунт. Падставай для яго стала нявыплата прэмій, узгодненых у студзені: эквівалент 12 тысяч еўра на салдата. Праз суткі пасля таго, як было дасягнута пагадненне, урад адмяніў выплату кампенсацый[11]. У Буаке і Карога былі забіты па меншай меры восем мірных жыхароў, якія пратэставалі супраць бунту. 14 мая загінуў адзін з паўстанцаў[2]. Міністр абароны краіны абвясціў аб выдачы грашовых узнагарод на суму ў 5 мільёнаў івуарыйскіх франкаў, але паўстанцы запатрабавалі 7. У гэты ж час войскі, лаяльныя прэзідэнту Аласану Уатары, пачалі сілавую аперацыю, атачыўшы занятыя збунтаванымі салдатамі раёны[11].
16 мая бакі канфлікту прыйшлі да мірнага пагаднення. Урад прапанаваў мяцежнікам неадкладную прэміяльную выплату ў памеры пяці мільёнаў франкаў КФА (6500 фунтаў стэрлінгаў; 8400 долараў ЗША) за 8400 мяцежнікаў і яшчэ два мільёны франкаў КФА у канцы чэрвеня[4].
Наступствы
[правіць | правіць зыходнік]Мецяжы знізілі давер замежных інвестараў да «івуарыйскага эканамічнага цуда», якое Кот-д’Івуар прадэманстраваў пасля заканчэння Другой Івуарыйскай вайны[10][2].
Зноскі
[правіць | правіць зыходнік]- ↑ Ivory Coast soldiers mutiny, taking several cities . Reuters (7 студзеня 2017). Праверана 10 January 2017.
- ↑ а б в En Côte d'Ivoire, le lourd bilan politique des mutineries
- ↑ а б "Ivory Coast minister freed after troops mutiny deal".(недаступная спасылка) Al Jazeera. 9 January 2017. Retrieved 10 January 2017.
- ↑ а б в Ivory Coast mutiny: Soldiers agree deal with government
- ↑ Анастасия Юдицкая. Демобилизованные солдаты захватили второй по величине город Кот-д'Ивуара // РБК, 6 января 2017.
- ↑ а б Власти назвали требования захвативших город в Кот-д'Ивуаре солдат // РБК, 6 января 2017
- ↑ Военные сообщили о стрельбе в крупнейшем городе Кот д’Ивуара // РБК, 7 января 2017
- ↑ Власти Кот-д'Ивуара достигли соглашения с бунтовавшими солдатами // РБК, 7 января 2017
- ↑ Côte d'Ivoire : nouvelles mutineries de soldats dans plusieurs villes, un mutin tué
- ↑ а б Retour de crise en Côte-d'Ivoire ?
- ↑ а б Бунтующие военные Кот-д'Ивуара на 5 млн не согласны // Euronews, 16 мая 2017