Пелегрында

Вёска Пелегрында Краіна Беларусь Вобласць Гродзенская Раён Астравецкі Сельсавет Гервяцкі Каардынаты 54°39′02″ пн. ш. 26°11′03″ у. д. Насельніцтва ▼20 чал. (2009) Часавы пояс UTC+3 Тэлефонны код +375 1591 Аўтамабільны код 4 Пелегрында на карце Беларусі ±

Пелегрында́ (трансліт.: Pieliehrynda, руск.: Пелегринда, літ.: Pelegrindа́) — вёска ў Астравецкім раёне Гродзенскай вобласці. Уваходзіць у склад Гервяцкага сельсавета.

Да 27 сакавіка 1959 года вёска ўваходзіла ў склад Рымдзюнскага сельсавета.

Гісторыя

«Palegryda» як засценак вёскі Кністушкі вядома з сярэдзіны XVIII ст.

У Пелегрындзе жыў самы вядомы ў Гервяцкім краі чараўнік, знахар Шымуціс, памерлы ў 1930-х гадах. Падчас этнаграфічных экспедыцый 1970-х гадоў пра яго было сабрана шмат аповедаў. Сваіх ведаў Шымуціс нікому не перадаў.

Назва

Назва Пелегрынды балцка-літоўская, двухасноўная — з літ.: pilti «сыпаць» і grindas «памост, насціл» і значыць «сыпаная дарога». Тая ж першая аснова Pil- ёсць і ў мясцовым тапоніме Пількальня (у Пастаўскім раёне над ракой Сэрваччу), што значыць «Сыпаная гара» (kalnas «гара»).

Пелегрында знаходзілася каля ранейшай дарогі з Гервятаў у Солы і Смаргонь, дарога ішла праз забалочаную пойму ракі. Брод праз яе (пазней на яго месцы пабудавалі мост) і называўся «piliagrinda». Да цяперашняга часу ў народнай памяці мясцовых літоўскамоўных жыхароў такая матывацыя ўжо забытая, першую частку слова яны звязваюць з літ. pelė «мыш».

Такую ж назву мае вёска ў Ігналінскім раёне Літвы — у міжваенны час таксама па-польску пісалі «Pielegrynda», а пазней паводле народнага літоўскага вымаўлення выправілі на «Piliagrinda».

У літоўскай мове падобным чынам утвораныя словы akmengrinda, kūlgrinda «выкладзены з камянёў насціл праз балота», lentgrinda «насціл з дошак», žemgrinda «насыпаная гаць праз балота».

Вядомыя асобы

• Альфонсас Аўгуліс — першы пасол Літвы ў Беларусі.

Спасылкі

• На Вікісховішчы пакуль няма медыяфайлаў па тэме, але Вы можаце загрузіць іх