Ткемалі
| Ткемалі | |
|---|---|
| груз. ტყემლის საწებელა | |
 | |
| Краіна паходжання | |
| Кампаненты | |
| Асноўныя | |
 Медыяфайлы на Вікісховішчы | |
Ткемалі (гр. ტყემალი) — грузінская падліўка. Назва паходзіць ад мясцовага віду кіслай слівы-ткемалі (Prunus cerasifera або Prunus divaricata), якая з’яўляецца галоўным інгрэдыентам. Смак падліўкі звычайна пікантны, кісла-салодкі[1].
Ткемалі падаюць да ялавічыны, свініны, бараніны, мяса птушкі, страў з бульбы.
Гатаванне
[правіць | правіць зыходнік]Слівы ткемалі заліваюць вадой і вараць 30-40 хвілін. Затым праціраюць праз сіта разам з адварам, лупіна і костачкі выкідваюць. Пюрэ вараць да кансістэнцыі смятаны, дадаюць расцёртыя прыправы, даюць закіпець і астуджаюць. Гатовую падліўку захоўваюць у халодным месцы[2].
Абавязковымі прыправамі лічацца амбало (мята балотная, Menta pulegium) і зялёныя каляндры. Па густу можна дадаваць каенскі перац, часнок, кмен, кроп і соль. Каб змякчыць аскомістасць падліўкі, часам дадаюць больш салодкія віды сліў. У залежнасці ад гатунку слівы, колер падліўкі можа быць розны — чырвоны, жоўты, зялёны.
Існуе мноства мадыфікацый гэтага соуса. У яго аснове ляжыць кіслая сліва, а бывае, што кіслую сліву замяняюць іншымі кіслымі пладамі: агрэстам, чырвонымі парэчкамі.
Зноскі
- ↑ The Georgian feast: the vibrant culture and savory food of the Republic of Georgia by Darra Goldstein, University of California Press (1999) — ISBN 0-520-21929-5
- ↑ Готовый «соус ткемали» // Краткая энциклопедия домашнего хозяйства. Том 2. — М.: Большая советская энциклопедия, 1959. — С. 584—585. — 772 с.