Уры Разенталь

Урыэль (Уры) Разенталь
нідэрл.: Uriël (Uri) Rosenthal
Уры Розенталь (2011 г.)
член Сената Нідэрландаў[d] 8 чэрвеня 1999 — 14 кастрычніка 2010
міністр замежных спраў Нідэрландаў[d] 14 кастрычніка 2010 — 5 лістапада 2012
Папярэднік	Maxime Verhagen[d]
Пераемнік	Frans Timmermans[d]
informateur[d] 5 ліпеня 2010 — 20 ліпеня 2010
Сумесна з	Jacques Wallage[d]
informateur[d] 12 чэрвеня 2010 — 25 чэрвеня 2010
Нараджэнне	19 ліпеня 1945(1945-07-19) (79 гадоў) Мантро, Швейцарыя
Партыя	Народная партыя за свабоду і дэмакратыю
Адукацыя	Амстэрдамскі ўніверсітэт Універсітэт Эразма Ратэрдамскага
Дзейнасць	паліталогія
Навуковая дзейнасць
Навуковая сфера	паліталогія
Месца працы	Амстэрдамскі ўніверсітэт Універсітэт Эразма Ратэрдамскага Лейдэнскі ўніверсітэт Лейдэнскі ўніверсітэт
Узнагароды
Медыяфайлы на Вікісховішчы

Урыэль (Уры) Разенталь (нідэрл.: Uriel (Uri) Rosenthal; нар. 19 ліпеня 1945, Мантро, Швейцарыя) — нідэрландскі палітык, міністр замежных спраў Нідэрландаў ва ўрадзе Марка Рутэ з 14 кастрычніка 2010 года. Член Народнай партыі за свабоду і дэмакратыю.

Нарадзіўся ў сям’і яўрэяў-бежанцаў з акупіраваных Нідэрландаў, якія ў 1942 годзе збеглі ў Швейцарыю праз Францыю. Неўзабаве пасля нараджэння Уры сям’я вярнулася ў Нідэрланды. Скончыў ліцэй у Гаазе і Амстэрдамскі ўніверсітэт, дзе вывучаў паліталогію. У 1978 годзе абараніў доктарскую дысертацыю ва Універсітэце Эразма у Ротэрдаме. З 1980 года — прафесар паліталогіі і дзяржаўнага кіравання ва Універсітэце Эразма, у 1987—2011 — прафесар дзяржаўнага кіравання Лейдэнскага ўніверсітэта. У 1999 годзе быў выбраны ў Сенат ад Народнай партыі за свабоду і дэмакратыю, у 2005 годзе ўзначаліў яе фракцыю ў Сенаце. Пасля парламенцкіх выбараў 2010 года каралева Беатрыкс даручыла яму вядзенне перамоў аб фарміраванні новага ўрада. Пасля фарміравання новага ўрада на чале з Маркам Рутэ апошні папрасіў яго стаць міністрам замежных спраў.

Разенталь — адзін з першых еўрапейскіх афіцыйных асоб, хто заклікаў да пашырэння санкцый супраць Аляксандра Лукашэнка і яго паплечнікаў пасля падзей 19 снежня 2010 года. Разенталь назваў галоўнай умовай далейшага збліжэння Сербіі з ЕС супрацоўніцтва з Гаагскім трыбуналам. Таксама ён выступае за мірныя перамовы паміж Ізраілем і Палесцінскай нацыянальнай адміністрацыяй. У СМІ яго завуць «вядомым сваімі моцнымі праізраільскімі настроямі».