Чорны чацвер (1951)

Чорны чацвер (1951)
Асноўны канфлікт: Карэйская вайна
Дата	12 красавіка 1951 года
Месца	Паветраная прастора каля чыгуначнага маста цераз раку Ялуцзян
Прычына	План ВПС ЗША па знішчэнні стратэгічна важнага чыгуначнага маста праз раку Ялуцзян, па якім ажыццяўлялася забеспячэнне паўночнакарэйскай арміі з боку Кітая.
Вынік	Перамога ВПС СССР, 120 амерыканскіх лётчыкаў патрапілі ў палон да паўночнакарэйцаў, адмова амерыканцаў ад масіраваных бамбардзіровачных налётаў.
Праціўнікі
СССР США
Сілы бакоў
36 самалётаў МіГ-15 48 бамбавікоў B-29 150 знішчальнікаў
Страты
няма 12 бамбавікоў і 5 знішчальнікаў знішчана. 13 самалётаў B-29 пашкоджана.

Чорны чацвер — дзень, калі падчас Карэйскай вайны ВПС ЗША страцілі больш за 10 бамбавікоў B-29, збітых ці падбітых савецкімі знішчальнікамі МіГ-15 .

Баявыя задачы ВПС ЗША

12 красавіка 1951 гады буйная групоўка амерыканскіх ВПС вылецела на баявое заданне. Іх мэтай было знішчэнне стратэгічна важнага чыгуначнага маста праз раку Ялуцзян, па якім ажыццяўлялася забеспячэнне паўночнакарэйскай арміі з боку Кітая .

Аснову групоўкі складалі 48 бамбавікоў B-29 "Superfortress", якіх суправаджалі паўтары сотні знішчальнікаў F-80 і F-84 .

Баявыя дзеянні

36 савецкіх самалётаў МіГ-15 былі падняты па трывозе і накіраваліся насустрач амерыканскай групоўцы. Яны атакавалі суперніка зверху і ў пікіраванні расстралялі амерыканскія B-29.

Менш чым за 20 хвілін бою было знішчана 12 амерыканскіх бамбавікоў і 5 знішчальнікаў. Яшчэ 13 самалётаў B-29 былі пашкоджаны і былі спісаны пасля вяртання на аэрадром.

120 амерыканскіх лётчыкаў, якія выскачылі з парашутам з падбітых самалётаў, патрапілі ў палон да паўночнакарэйцаў .

Сярод савецкіх знішчальнікаў падчас гэтай бітвы страт не было.

Наступствы

Адным з важных наступстваў «чорнага чацвярга» стала адмова амерыканцаў ад масіраваных бамбардзіровачных налётаў.

У далейшым бамбардзіроўкі выконваліся самалётамі-адзіночкамі і пераважна ноччу, што значна знізіла ўрон ад іх бамбардзіровачных налётаў.