Юбілейная плошча (Верхнядзвінск)

Юбілейная плошча Верхнядзвінск
Агульная інфармацыя
Краіна	Беларусь
Горад	Верхнядзвінск
Аўтобусныя маршруты	№ 1
Паштовы індэкс	211631
Нумары тэлефонаў	+3752151

Юбілейная плошча (трансліт.: Jubiliejnaja plošča, руск.: Юбилейная площадь) — галоўная і фармальна адзіная плошча горада Верхнядзвінска.

Апісанне

Архітэктурны ансамбль сучаснай Юбілейнай плошчы ў Верхнядзвінску сфармаваўся на працягу 1970—1980-х гадоў калі было вырашана пабудаваць новыя спецыялізаваныя будынкі для раённага выканаўчага камітэта і раённага дома культуры на вольнай ускраіне паміж гістарычным цэнтрам горада і нізменным і часта затапліваемым павадкамі лугам ля берага Дрысы, дзе лукавіна ракі ўтварае вялікі паўвостраў.

У ХХІ ст. на плошчы былі пабудаваныя новы будынак гарадской аўтастанцыі (у паўднёвай частцы плошчы ля скрыжавання вул. Качкара і вул. Ленінградскай), а таксама трохпавярховы шматкватэрны будынак (у заходняй частцы плошчы паміж вул. Ленінградскай і вул. Савецкай). Таксама з захаду і поўначы да плошчы прымыкае драўляная аднапавярховая жылая забудова сядзібнага тыпу.

Плошча па сваёй форме блізкая да прамавугольніка, максімальная шырыня складае амаль 100 метраў, даўжыня — да 200 метраў.

Падчас маштабнай рэканструкцыі ў 2018 годзе ў межах падрыхтоўкі горада да абласных Дажынак на плошчы быў пабудаваны фантан перад уваходам у Дом культуры, а таксама ўсталяваны валун з макетам магчымага выгляду Дрысенскага замку, які знаходзіўся непадалёк. На Каляды на плошчы ўсталёўваецца святочная ялінка.

Аб’екты

• Кааператыўная вуліца, 1 — будынак Верхнядзвінскага райвыканкама (архітэктар В. Кірылаў).
• Аўтастанцыя
• Раённы дом культуры (РДК)

• Юбілейная плошча сёння
• 
  Аўтастанцыя
• 
  Фантан
• 
  Шматкватэрны жылы дом
• 
  Раённы цэнтр культуры

Гл. таксама

• Спіс вуліц Верхнядзвінска

Спасылкі

• На Вікісховішчы ёсць медыяфайлы па тэме Юбілейная плошча (Верхнядзвінск)