Яфім Ізраілевіч Злацін

Яфім Ізраілевіч Злацін
Дата нараджэння	20 жніўня 1913(1913-08-20)
Месца нараджэння	Магілёў, Магілёўская губерня, Расійская імперыя
Дата смерці	23 жніўня 1965(1965-08-23) (52 гады)
Месца смерці	Масква, РСФСР, СССР
Месца пахавання	Данскія могілкі[d]
Грамадзянства	СССР
Прыналежнасць	СССР
Род войскаў	артылерыя
Гады службы	1935—1937 , 1942—1945
Званне	лейтэнант
Часць	225-ы гвардзейскі стралковы полк 78-й гвардзейскай стралковай дывізіі
Бітвы/войны	Вялікая Айчынная вайна
Узнагароды і званні

Яфім Ізраілевіч Злацін (2 верасня 1913, Магілёў — 23 жніўня 1965) — Герой Савецкага Саюза.

Біяграфія

Нарадзіўся ў рабочай яўрэйскай сям’і. Скончыў рабфак у Днепрапятроўску. У Чырвонай Арміі з 1935 года. У 1937—1941 гадах працаваў у Магілёве. У Вялікую Айчынную вайну з 1942 года на Варонежскім, Стэпавым, 1-м Украінскім і 2-м Украінскім франтах. Камандзір мінамётнага ўзвода сяржант Я. І. Злацін вызначыўся 24—25 верасня 1943 года пры фарсіраванні Дняпра на тэрыторыі Украіны. Узвод пад яго камандаваннем фарсіраваў раку на поўдзень ад Крамянчуга, адбіў некалькі контратак ворага, знішчыў 9 кулямётных і 3 мінамётныя кропкі і каля роты гітлераўцаў. Цяжка паранены, Я. І. Злацін не пакінуў поля бою. У 1944 годзе скончыў Ленінградскае ваенна-палітычнае вучылішча імя Энгельса. Дэмабілізаваны ў 1945 годзе па хваробе. Да 1964 года на гаспадарчай рабоце ў Маскве.

Званне Героя Савецкага Саюза Я. І. Злаціну прысвоена 26.10.1943 г. Узнагароджаны ордэнам Леніна, двума ордэнамі Чырвонай Зоркі, медалямі.

Літаратура

• Зла́цін Яфім Ізраілевіч // Беларуская энцыклапедыя: У 18 т. Т. 7: Застаўка — Кантата / Рэдкал.: Г. П. Пашкоў і інш. — Мн. : БелЭн, 1998. — Т. 7. — С. 73. — 10 000 экз. — ISBN 985-11-0035-8. — ISBN 985-11-0130-3 (т. 7).