Яўген Вітольдавіч Корчыц

Яўген Вітольдавіч Корчыц
Яўген Вітольдавіч Корчыц
Дата нараджэння	29 сакавіка 1880
Месца нараджэння	Ташкент, Ташкенцкі павет[d], Сырдар’інская вобласць, Туркестанскае генерал-губернатарства, Расійская імперыя;
Дата смерці	1950
Месца смерці	Мінск, БССР, СССР;
Месца пахавання	Вайсковыя могілкі;
Грамадзянства	СССР; Расійская імперыя;
Род дзейнасці	хірург
Навуковая сфера	хірургія
Месца працы	Першы Ленінградскі медыцынскі інстытут[d]; БДУ; Беларускі медыцынскі інстытут;
Навуковая ступень	доктар медыцынскіх навук
Навуковае званне	член-карэспандэнт АН БССР;
Альма-матар	Імператарскі Санкт-Пецярбургскі ўніверсітэт (1904); МДУ (1910);
Узнагароды

Яўген Вітольдавіч Корчыц (29.03 (10.4). 1880, Ташкент — 16 мая 1950, Мінск) — беларускі хірург, Заслужаны дзеяч навукі БССР, доктар медыцынскіх навук, прафесар. Абараніў першую доктарскую дысертацыю ў Мінскім медыцынскім інстытуце^[1].

Біяграфія

Нарадзіўся ў Ташкенце ў сям’і ваеннага.

Скончыў натуральнае аддзяленне фізіка-матэматычнага факультэта Пецярбургскага ўніверсітэта, 1904 г.; медфак Маскоўскага ўніверсітэта.

У 1910 годзе — земскі ўрач у Дуброўна Магілёўскай губерні, у 1910—1913 гг. — у Сянно Мінскай губерні. У 1913—1915 гадах — хірург Ташкенцкай гарадской бальніцы.

Хірург ваенных шпіталяў, 1915—1922 гг. Асістэнт кафедры агульнай хірургіі Ленінградскага медінстытута, 1922—1926 гг., Старшы асістэнт факультэцкай хірургічнай клінікі медыцынскага факультэта БДУ, 1926—1928 гг. Доктарская ступень прысуджана ў 1927 г. Загадчык кафедры агульнай хірургіі медыцынскага факультэта БДУ, Беларускага медінстытута, 1928—1931 гг. Прысвоена вучонае званне прафесара ў 1929 г. Загадчык кафедры аператыўнай хірургіі і тапаграфічнай анатоміі ў 1929—1932 гг. Загадчык кафедры факультэцкай хірургіі Мінскага медыцынскага інстытута, 1934—1941 гг., Адначасова загадчык кафедры хірургіі Беларускага інстытута ўдасканалення ўрачоў. Узначальваў кафедру агульнай хірургіі Ташкенцкага інстытута ўдасканалення ўрачоў, кансультант эвакашпіталь 1941—1943 гг.

У 1943—1944 гадах — загадчык кафедры хірургіі Беларускага медінстытута ў Яраслаўлі, у 1944—1950 гадах — загадчык кафедры шпітальнай хірургіі МДМІ,

Пахаваны на Вайсковых могілках Мінска.

Навуковая дзейнасць

Вывучаў пытанні агульнай і прыватнай хірургіі, нейрахірургіі, эндакрыналогіі, анкалогіі, уралогіі, гінекалогіі, артапедыі і траўматалогіі. Аўтар звыш 90 навуковых прац, манаграфій: «Агульны наркоз», 1931; «Хірургічнае лячэнне туберкулёзу лёгкіх», 1933, «Хірургічныя спленамегаліі», 1939; падручнікаў: «Методыка даследавання хірургічных хворых», 1931; «Антысептыкі і асептыкі», 1931; арганізатар аказання анкалагічнай і эндакрыналігічнай дапамогі насельніцтву рэспублікі.

Член супрацваллёвага і супрацьракавага камітэтаў, старшыня навуковага таварыства хірургаў БССР, 1936—1947 гг.

Узнагароды

Узнагароджаны дзвюма ордэнамі, медалямі, ганаровай граматай ВС БССР. Прысвоена ганаровае званне Заслужанага дзеяча навукі БССР.

Зноскі

↑ Родина И. Ф., Шишко Е. И. К истории защиты первой докторской диссертации в Минском медицинском институте // Вопросы истории медицины и здравоохранения БССР: Тизисы докладов IV научной конференции. Мн., 1984. X. 2. С. 10-11.

Літаратура

Беларуская энцыклапедыя: У 18 т. Т. 8: Канто — Кулі / Рэдкал.: Г. П. Пашкоў і інш. — Мн. : БелЭн, 1999. — Т. 8. — С. 424. — 10 000 экз. — ISBN 985-11-0035-8. — ISBN 985-11-0144-3 (т. 8).

Спасылкі

Яўген Вітольдавіч Корчыц у базе даных «История белорусской науки в лицах» Цэнтральнай навуковай бібліятэкі імя Якуба Коласа НАН Беларусі (руск.)
Корчыц Яўген Вітольдавіч на сайце анлайн-энцыклапедыі «Беларусь у асобах і падзеях»

[1] Родина И. Ф., Шишко Е. И. К истории защиты первой докторской диссертации в Минском медицинском институте // Вопросы истории медицины и здравоохранения БССР: Тизисы докладов IV научной конференции. Мн., 1984. X. 2. С. 10-11.

[1]