Інле
Інле | |
---|---|
бірм.: အင်း | |
Морфаметрыя | |
Вышыня над узроўнем мора | 880 м |
Даўжыня |
|
Шырыня | 10 км |
Плошча | 116 км² |
Найбольшая глыбіня | 3,6 м |
Сярэдняя глыбіня | 1,5 м |
Размяшчэнне | |
Краіна | М’янма |
|
|
|
|
|
|
Медыяфайлы на Вікісховішчы |
Інле (бірм.: အင်း) — прэснаводнае возера ў М’янме, другое па плошчы ў краіне. Агульная плошча паверхні — 116 км².
Прырода[правіць | правіць зыходнік]
Возера Інле месціцца на поўдні Шанскага нагор’я. Лічыцца, што возера сфарміравалася ў выніку паступовага размывання шматлікімі рэчкамі і ручаямі вапняковай паверхні. Узровень вады сезонна змяняецца. Падчас мусонаў глыбіня можа дасягаць 3,7 м.
Заходні і паўночны берагі нізкія, пакрытыя зараснікамі, утрымоўваюць тарфяныя адкладанні. На паўночна-ўсходнім беразе ёсць гарачая крыніца са шчолачнай вадой.
Возера насяляюць 35 відаў рыб (17 з іх — эндэмікі), 45 відаў слімакоў (30 эндэмікаў), 1 эндэмічны від крабаў. Эндэмічны від карпа з’яўляецца важным відам для здабычы. Увосені на возеры спыняецца каля 20 000 пералётных гарбатак. Акрамя таго, на берагах гняздуе рэдкі від журава.
Культура[правіць | правіць зыходнік]
Берагі возера Інле насяляе народ інтха, які будуе свае вёскі на па́лях на плыткаводных участках. Галоўным транспартным сродкам з’яўляюцца лодкі. Інтха займаюцца рыбалоўствам, а таксама ствараюць плавучыя агароды. У нашы дні ў навакольных паселішчах таксама жывуць шаны, карэны і прадстаўнікі іншых народаў. Большасць вернікаў спавядае будызм у форме Тхеравада. Храмы і ступы будуюцца з пясчаніку, які здабываюць каля возера.
Інле — важная турыстычная славутасць М’янмы.
Ахова[правіць | правіць зыходнік]
У 2003 г. возера Інле было абвешчана паркам спадчыны АСЕАН. Водна-балотныя ўгоддзі (5 797,6 га) трапілі ў 2004 г. пад ахову Рамсарскай канвенцыі. У 2015 г. возера трапіла ў спіс біясферных рэзерватаў ЮНЕСКА.
Спасылкі[правіць | правіць зыходнік]
- Inlay Lake Ramsar Site
- INTRODUCTORY ACCOUNT OF THE INLE LAKE
- Inle Lake Wildlife Sanctuary — People, nature and culture in a unique wetland
- https://www.twobirdsbreakingfree.com/ultimate-guide-to-inle-lake
- Thin MM, Sacchi E, Setti M. Hydrological processes at Inle Lake (Southern Shan State, Myanmar) inferred from hydrochemical, mineralogical and isotopic data. Isotopes Environ Health Stud. 2016 Aug-Oct;52(4-5):455-67