Алегранса

Алегранса
ісп. Alegranza
Выгляд з паветра
Характарыстыкі
Плошча	10,102 км²
Насельніцтва	0 чал.
Размяшчэнне
29°23′34″ пн. ш. 13°30′33″ з. д.
Акваторыя	Атлантычны акіян
Краіна	Іспанія
Алегранса
Медыяфайлы на Вікісховішчы

Алегранса (ісп.: Alegranza) — невялікі востраў у складзе Канарскага архіпелага . Плошча — 10,102 км². Сталага насельніцтва няма.

Геаграфія

Востраў Алегранса месціцца за 16,56 км на поўнач ад большага па плошчы вострава Лансаротэ. Мае вулканічнае паходжанне. Вылучаюцца 4 вулканічныя конусы. Найвышэйшы Ла-Кальдера (298 м) знакаміты сваім кратарам, чый дыяметр дасягае 1,3 км. Большую частку паверхні займае лававае плато. На поўначым беразе вылучаецца пляж з белым пяском.

Прырода

З-за засушлівых кліматычных умоў травяністыя расліны пакрываюць толькі частку паверхні. Пераважаюць розныя галафіты, жаўтазель, інтрадуцыраваны шызы тытунь. Дзякуючы багаццям рыбных рэсурсаў у навакольных водах на Алегрансе гняздуюць шматлікія марскія птушкі, у тым ліку рэдкія віды буравеснікаў, сакаліных, скоп. На сушы таксама сустракаюцца геконы.

Гісторыя

На працягу XVI — XX стст. прадпрымалася некалькі спроб засялення вострава Алегранса. У першай палове XX ст. тут была заснавана прыватная гаспадарка, уладальнікі якой займаліся земляробствам і жывёлагадоўляй. Аднак з-за нястачы пітной вады яна была ліквідавана. Захаваліся рэшткі некалькіх пабудоў той пары.

У нашы дні востраў застаецца прыватнай маёмасцю, і яго наведванне магчыма толькі з дазволу ўладальнікаў, што стала жывуць на Лансаротэ. Дзейнічае аўтаматычны маяк.

Спасылкі

• Alegranza — Guía de Viajes de La Graciosa
• The Smaller Canary islands
• The Hidden Lagoon in Alegranza, the Secret Canary Island