Алесь Бадак

З Вікіпедыі, свабоднай энцыклапедыі
Алесь Бадак
Асабістыя звесткі
Дата нараджэння 28 лютага 1966(1966-02-28) (58 гадоў)
Месца нараджэння
Грамадзянства
Альма-матар
Месца працы
Прафесійная дзейнасць
Род дзейнасці публіцыст, паэт, дзіцячы пісьменнік, журналіст, літаратурны крытык
Гады творчасці з 1979
Жанр лірыка
Мова твораў беларуская
Грамадская дзейнасць
Член у
Прэміі
Узнагароды
Лагатып Вікісховішча Медыяфайлы на Вікісховішчы

Аляксандр Мікалаевіч (Алесь) Бадак (нар. 28 лютага 1966, в. Туркі, Ляхавіцкі раён, Брэсцкая вобласць) — беларускі пісьменнік, паэт-песеннік, публіцыст, крытык. Аўтар больш як дзесяці паэтычных кніг, шматлікіх крытычных артыкулаў і рэцэнзій, а таксама тэкстаў песень[1].

Біяграфія[правіць | правіць зыходнік]

Нарадзіўся ў сям’і рабочага. У школе цікавіўся творчасцю Ясеніна, потым Андрэя Вазнясенскага, Якуба Коласа. У 1983 годзе пасля заканчэння школы паступіў на філалагічны факультэт Беларускага дзяржаўнага ўніверсітэта. Служыў у Савецкай Арміі (1984—1986). Пасля дэмабілізацыі працягнуў вучобу ва ўніверсітэце, які скончыў у 1990 годзе[2]. У тым жа годзе прыняты ў Саюз пісьменнікаў Беларусі.

Працаваў пазаштатным карэспандэнтам-арганізатарам Бюро прапаганды мастацкай літаратуры Саюза пісьменнікаў Беларусі (1990—1991), рэдактарам аддзела, адказным сакратаром, намеснікам галоўнага рэдактара часопіса «Бярозка» (1991—2001), рэдактарам аддзела часопіса «Полымя» (2001—2002), загадчыкам аддзела прозы, адказным сакратаром, намеснікам галоўнага рэдактара часопіса «Маладосць» (2002—2009). У 2009—2014 гадах галоўны рэдактар часопіса «Нёман». У 2014—2015 гадах галоўны рэдактар часопіса «Полымя».

Адначасова ў 2009—2012 гадах 1-ы намеснік дырэктара Рэдакцыйна-выдавецкай установы «Літаратура і мастацтва». У 2012—2015 гадах намеснік дырэктара РВУ Выдавецкі дом «Звязда».

З 2015 года дырэктар выдавецтва «Мастацкая літаратура».

Творчасць[правіць | правіць зыходнік]

Пачынаў, як паэт. З першымі вершамі выступіў у друку ў 1979 годзе[2] (газета «Піянер Беларусі»). Пачаў журналісцкую дзейнасць у газеце «Будаўнік камунізму» (цяпер «Ляхавіцкі веснік»). На пачатку 1990-х гадоў напісаў вельмі шмат песень. Гэта быў пік працы А. Бадака як паэта-песенніка. На вершы аўтара складалі песні Аляксандр Саладуха, Анатоль Ярмоленка, Алеся. Алесь Бадак з’яўляецца лаўрэатам рэспубліканскіх конкурсаў песні[2].

У 2003 годзе быў у ліку першых лаўрэатаў літаратурнай прэміі «Залаты апостраф»[3]. Пазней пачынае выдаваць прозу і творы для дзяцей. Выступае актыўным прапагандыстам дзіцячай літаратуры, з’яўляецца адным з арганізатараў клуба дзіцячых пісьменнікаў, піша багата вершаў, аповесцей, казак, пазнавальнай літаратуры[4].

У апошнія гады часцей выступае ў перыядычным друку з літаратурна-крытычнымі артыкуламі і рэцэнзіямі.

Бібліяграфія[правіць | правіць зыходнік]

На пасадзе намесніка дырэктара РВУ «Выдавецкі дом „Звязда“»

Зборнікі паэзіі[правіць | правіць зыходнік]

  • «Будзень» (1989)
  • «За ценем самотнага сонца : Вершы і песні» (Мн., Мастацкая літаратура, 1995)
  • «Маланкавы посах : Кніга лірыкі» (2004)

Літаратурныя творы для дзяцей[правіць | правіць зыходнік]

  • «Мы купілі кракадзіла : Вершы» (1995, у суаўтарстве з В. Шніпам)
  • «Маленькі чалавек у вялікім свеце : Кніга для бацькоў, дзядуль, бабуль і выхавацеляў дзіцячых садкоў» (1995)
  • «Верабей з рагаткай : Казкі, вершы, лічылкі» (1999)
  • «Незвычайнае падарожжа ў краіну ведзьмаў : Аповесці-казкі» (2001)
  • «Расліны : батанічныя эцюды» (2008)
  • «Жывёлы : заалагічныя эцюды»(2009)
  • «Птушкі : заалагічныя эцюды» (2010)
  • «Насякомыя : заалагічныя эцюды» (2011)
  • «Водны свет : заалагічныя эцюды» (2012)
  • «Зорка для вавёркі» (2015)

Апавяданні[правіць | правіць зыходнік]

«Інструкцыя па спакушэнні замужніх жанчын» (газ. «Літаратура і мастацтва», 2008; псіхалагічная драма)

У перакладзе на рускую мову[правіць | правіць зыходнік]

  • Бадак, А. О тебе и тех, кто рядом : для любящих и предусмотрительных родителей и педагогов, а также для любознательных детей : пособие для педагогов учреждений, обеспечивающих получение дошкольного образования / А. Бадак. — Минск : Лексис, 2005. — 31 с.
  • Бадак, А. Невероятные истории из жизни волшебников : сказочные повести / А. Бадак. — Минск : Літаратура і Мастацтва, 2011. — 204 с.

Узнагароды[правіць | правіць зыходнік]

Зноскі

  1. Галіна Махнач Літаратура цяпер і назаўсёды // Беларуская думка : Часопіс. — Мн.: Адміністрацыя Прэзідэнта РБ, 2015. — № 1. — С. 38. Архівавана з першакрыніцы 14 сакавіка 2015.
  2. а б в Яфімава 1996, с. 78.
  3. Віка Трэнас. Лаўрэаты прэміі “Залаты апостраф” . Час навінаў (23 лютага 2013). Архівавана з першакрыніцы 10 жніўня 2014. Праверана 6 жніўня 2014.
  4. Грушэцкі А. Л. Шэсць стагоддзяў дзіцячай літаратуры // Літаратура і мастацтва : газ.. — Мн.: РВУ «Выдавецкі дом "Звязда"», 15 жніўня 2014. — В. 4781. — № 32. — С. 6. Архівавана з першакрыніцы 8 кастрычніка 2014.
  5. Указ Прэзідэнта Рэспублікі Беларусь ад 8 студзеня 2020 года № 7 «Аб узнагароджанні»

Літаратура[правіць | правіць зыходнік]