Баляслаў Прус

З пляцоўкі Вікіпедыя
Перайсці да: рух, знайсці
Баляслаў Прус
Bolesław Prus
Bolesław Prus (ca. 1905).jpg
Баляслаў Прус
Імя пры нараджэнні:

Аляксандр Главацкі

Дата нараджэння:

20 жніўня 1847

Месца нараджэння:

Грубешаў

Дата смерці:

19 мая 1912

Месца смерці:

Варшава

Грамадзянства (падданства):

Памылка Lua у Модуль:Wikidata на радку 366: statement is not specified.

Род дзейнасці:

Журналіст і Аўтар

Баляслаў ПРУС, сапр.: Аляксандр ГЛАВАЦКІ (польск.: Bolesław Prus; 20 жніўня 1847, Грубяшоўскім пав. — 19 мая 1912, Варшава) — польскі пісьменнік.

Нарадзіўся ў сям'і беднага шляхціча. Вучыўся ў Люблінскім ліцэі, адкуль у 1863 г. пайшоў у паўстанне 1863—1864 гадоў. Быў паранены, пасля арыштаваны; вярнуўся да вучобы ў Люблінскім ліцэі. Скончыўшы ліцэй Б. Прус паступіў на фізіка-матэматычнае аддзяленне Галоўнай школы ў Варшаве, але кінуў вучобы ў 1870 г. з-за нястачы сродкаў. Працаваў хатнім настаўнікам, рабочым, дзяржаўным чыноўнікам.

З 1872 г. пачаў журналісцкую дзейнасць у «Ніве», «Хатнім апекуне», «Кур'еры Варшаўскім». У 1874 г. дэбютаваў апавяданнямі «Жыхар Паддашша» і «Якубаў сон», аўтар раманаў «Клопаты бабулі» (1874) і «Палац і хаціны» (1875). У пач. 1880-х напісаў свае найлепшыя кароткія апавяданні «Антэк», «Шарманка», «Грахі маленства», «Камізэлька» (выйшлі ў зборніку «Першыя апавяданні», 1881). У 1885 г. выйшла аповесць Б. Пруса «Фарпост», у 1889 г. — буйны празаічны твор, раман «Лялька», у 1893 г. — раман «Эмансіпанткі». Сусветную славу Б. Прусу зрабіў гістарычны раман «Фараон» (1896). У апошняе дзесяцігоддзе жыцця Б. Прус працаваў над раманамі «Дзеці» (1909) і «Перамены» (застаўся няскончаным).

На беларускую мову творы Б. Пруса перакладалі Я. Брыль і М. Чарнецкі.

Літаратура[правіць | правіць зыходнік]

  • Хрэстаматыя па літаратуры народаў свету (ч.1). — Мн., 1995.