Горад Варшава

Горад Варшава польск.: Warszawa Сцяг Герб Каардынаты 52.216667, 21.03333352°13′00″ пн. ш. 21°02′00″ у. д.52.216667° пн. ш. 21.033333° у. д.    Краіна Польшча Ваяводства Мазавецкае ваяводства Бурмістр Ханна Гранкевіч-Вальц Горад з 1300 Плошча 517 км² Вышыня НУМ 103 м Насельніцтва (2006) 1 701 000 чалавек Часавы пояс UTC+1, улетку UTC+2 Тэлефонны код +48 22 Паштовыя індэксы 00-001 - 04-999 Аўтамабільны код WA, WB, WD, WE, WF, WH, WI, WJ, WK, WN, WT, WU, WW, WX, WY Афіцыйны сайт http://www.um.warszawa.pl/ Гарады-пабрацімы Берлін, Масква, Санкт-Пецярбург, Грозны, Рыга

Варшава

Варшава на Вікісховішчы

Варшава (польск.: Warszawa польскае вымаўленне ) — сталіца Польшчы з 1596 г. Афіцыйнае найменне — Сталічны горад Варшава (польск.: Miasto Stołeczne Warszawa).

Насельніцтва 1,701 млн. жыхароў, з прыгарадамі 2,88 млн. (2009). Варшава — 9-ы па колькасці насельніцтва горад ЕС. Плошча горада 516,9 км², плошча гарадской агламерацыі (Obszar Metropolitalny Warszawy) 6100,43 км².

Порт на рацэ Вісла, прыкладна ў 260 км ад узбярэжжа Балтыйскага мора; міжнародны аэрапорт. Машынабудаванне (аўтабудаванне, электратэхнічнае і інш.), металаапрацоўка і металургія, хімічная, парфумерная, паліграфічная, лёгкая прамысловасць. Універсітэт (1818). Нацыянальны музей, археалагічны музей. «Тэатр Велкі», «Тэатр Па-польску», «Тэатр народовы» і інш. Міжнародны музычны фэст «Варшаўская восень», арганізаваны ў 1956 Тадэвушам Бердам і Казімірам Сероцкім. Метрапалітэн.

Варшава дала імя Варшаўскай канфедэрацыі, Варшаўскаму герцагству, Варшаўскаму дагавору (і адпаведнай арганізацыі), Варшаўскай канвенцыі.

Гістарычны нарыс

Першыя паселішчы на тэрыторыі сучаснай Варшавы адносяцца да Х ст.

Упершыню Варшава згадваецца ў 1313. З 1413 сталіца Мазавецкага княства. У 1526, пасля спынення дынастыі мазавецкіх князёў, Варшава далучана да Каралеўства Польскага. У XVI стю тут праходзілі пасяджэнні сейма, у 1573 адбыліся першыя каралеўскія выбары. З 1596 Варшава сталіца Польшчы.

Пад час Польска-шведскай 1655-60 і Паўночнай войнаў Варшава была неаднаразова разбурана шведскімі войскамі, але хутка адбудоўвалася.

З другой паловы XVIII ст. Варшава з'яўляецца важнейшым палітычным, эканамічным, культурным і асветніцкім цэнтрам краіны.

Шматлікія помнікі Варшавы ў выніку Другой сусветнай вайны былі разбураныя, у пасляваенныя гады адбудаваныя.

Адміністрацыйны падзел

Раёны Варшавы.

Варшава мае статус павета (powiat) і складаецца з 18 раёнаў (dzielnic). Варшава мае два гістарычных цэнтра — Стары горад (Stare Miasto) і Новы горад (Nowe Miasto) у раёне Сьрудмесце (Śródmieście).

Помнікі

Барбакан

Каралеўскі замак

Стары горад

• Крапасныя сцены, XIV-XV ст.
• Касцёл св. Яна, XIV ст.
• Барбакан, арх. Дж. Баціста, 1548
• Камяніцы, XV-XVIII ст.

Новы горад

• Фарны касцёл, XV ст.
• Каралеўскі замак, 1598-1619
• Калона Жыгімонта ІІІ на Замкавай плошчы, 1644
• Кляштары і касцёлы, XVI-XVII ст.
• Палацы, XVII-XVIII ст.

У Варшаве каля 40 музеяў.

Прамысловасць

Горад з'яўляецца цэнтрам машынабудавання, хімічнай прамысловасці, вытворчасці будаўнічых матэрыялаў і інш.

Транспарт

Варшава - вузел чыгунак і аўтадарог, міжнародны аэрапорт. З 1994 дзейнічае Варшаўскі метрапалітэн.

Адукацыя і навука

У горадзе размяшчаецца Польская АН, Нацыянальная бібліятэка. Варшаўскі універсітэт - буйнешы навучальны і навуковы цэнтр Польшчы, заснаваны ў 1816.

Культура і мастацтва

У Варшаве дзейнічае каля 30 тэатраў, філармонія.

Штогод праводзіцца Міжнародны фестываль сучаснай музыкі «Варшаўская восень», адзін раз у пяць гадоў Міжнародны конкурс піяністаў імя Шапэна.

Некаторыя вуліцы

• Вуліца Маршалкоўская, Варшава
• Вуліца Млондзкая ў Варшаве

Вядомыя асобы

• Марэк Эдэльман
• Агнешка Асецка
• Ян Томаш Грос
• Вільгельм Калінскі
• Станіслаў Янавіч Будзінскі
• Януш Корчак
• Беата Тышкевіч
• Кшыштаф Кеслёўскі
• Агнешка Холанд

Гл. таксама

• Лазенкоўскі палац
• ОРКО Таўэр
• Каралеўскі палац
• Варшаўская фондавая біржа

У Сеціве

• На ВікіСховішчы ёсць медыяфайлы па тэме Горад Варшава