Галоўны горад (Гданьск)

Галоўны горад
польск.: Główne Miasto
54°20′56″ пн. ш. 18°39′10″ у. д.
Краіна	Польшча
Горад	Гданьск
Адміністрацыйны раён горада	Цэнтр
Медыяфайлы на Вікісховішчы

Галоўны горад (польск.: Główne Miasto, ням.: Rechtstadt) — гістарычная мясцовасць у цэнтральнай частцы Гданьска.

Вялікая канцэнтрацыя помнікаў і славутасцей робяць яго турыстычным цэнтрам Гданьска. Таму гэту мясцовасць часта блытаюць са Старым горадам, размешчаным на поўнач ад Галоўнага горада, гістарычная гарадская забудова якога не была цалкам адноўлена пасля Другой сусветнай вайны.

Палажэнне

Галоўны горад размешчаны ў цэнтральнай частцы гістарычнага цэнтра Гданьска на заходнім беразе ракі Матлава. З поўначы па вуліцы Старамесцкія падвалы мяжуе са Старым горадам, з усходу праз масты Зялёны і Кравові злучаецца з Востравам збожжасховішчаў. З поўдня праз Прадмейскія падвалы мяжуе са Старым прадмесцем, а з захаду — з Новымі агродамі.

Славутасці

• Марыяцкая базіліка — касцёл, які мясцовыя жыхары лічаць найбуйнейшай цаглянай царквой у свеце.
• Ратуша Галоўнага горада - гатычна-рэнесансны будынак XV стагоддзя, размешчаны паміж вуліцамі Доўгай і Доўгім торгам. Ён мае 83-метровую вежу, якая дамінуе над Каралеўскай дарогай, і старадаўні карыльён.
• Залатая брама - была ўзведзена ў 1612 годзе на месцы гатычнай брамы XIV стагоддзя.
• Двор Артуса - былое месца сустрэчы купцоў і патрыцыяў, мае багата ўпрыгожаны інтэр'ер.
• Фантан Нептуна - фантан XVII стагоддзя са статуяй рымскага бога мора Нептуна, размешчаны на Доўгім торгу пад ратушай.
• Вялікі арсенал - муніцыпальны арсенал у стылі галандскага маньерызму з 1605 года.
• Двор брацтва Святога Георгія - будынак у фламандскім стылі 1494 года, рэзідэнцыя брацтва патрыцыяў.
• Катоўня з турэмнай вежай - абарончае збудаванне XIV стагоддзя.