Джордж Гершвін

Джордж Гершвін
Асноўная інфармацыя
Дата нараджэння	26 верасня 1898(1898-09-26)
Месца нараджэння	Бруклін, Нью-Ёрк, ЗША
Дата смерці	11 ліпеня 1937(1937-07-11) (38 гадоў)
Месца смерці	Галівуд, Каліфорнія, ЗША
Гады актыўнасці	1914—1937
Краіна	ЗША
Прафесіі	кампазітар, піяніст
Інструменты	фартэпіяна
Жанры	джаз, блюз
Калектывы	«George White’s Scandals(англ.) бел.»
Супрацоўніцтва	Айра Гершвін, Пол Уайтмен
Узнагароды	Пулітцэраўская прэмія
http://www.gershwin.com/
Джордж Гершвін на Вікісховішчы

Джордж Гершвін (англ.: George Gershwin, сапраўднае імя Jacob Gershowitz — Якаў, або Джэйкаб Гершавіц; 26 верасня 1898, Нью-Ёрк, ЗША — 11 ліпеня 1937) — амерыканскі кампазітар, піяніст.

Паходзіў з сям'і (Гершовіч), якая эмігрыравала з Расіі. Сістэматычнай музычнай адукацыі не атрымаў. Вучыўся ў Р. Гольдмарка (гармонія) і інш. Стварыў уласны музычны стыль, у якім арганічна спалучаюцца рысы імправізацыйнага джаза, элементы афра-амерыканскага фальклору, амерыканскай эстраднай і розных форм еўрапейскай музыкі, у т.л. фартэпіяннага стылю Ф. Ліста, М. Рахманінава («Рапсодыі ў блюзавых тонах», 1924), французскага імпрэсіянізму, верызму, баладнай оперы.

Творчасць Дж. Гершвіна ахоплівае розныя музычныя жанры. Яе вяршыня — папулярная ва ўсім свеце опера «Поргі і Бес» (1935), першая нацыянальная опера, адзначаная глыбокім пранікненнем у негрыцянскі духоўны свет і музычны фальклор. Для яе характэрны шырокае выкарыстанне дыялогу, спалучэнне трагічнага і жанрава-камедыйнага пачатку. У мелодыцы оперы выяўляюцца ладава-гарманічныя і рытмічныя своеасаблівасці спірычуэлс, лірычных блюзаў, рэгтаймаў. Сярод іншых твораў: аперэты і мюзіклы «Ла, ла, Люсіль» (1919), «Лэдзі, будзьце добрыя» (1924), «О кей!» (1925), «Разалі» і «Смешны твар» (1927), «Хай грыміць аркестр» (1923), «Вар'ятка» (1930, паст. 1954), «Пра цябе я спяваю» (1932), «Хай яны ядуць кекс» (1933, усе паст. ў Нью-Ёрку); для аркестра — сімфанічная сюіта «Амерыканец у Парыжы» (1928), «Кубінская уверцюра» (1932); для фартэпіяна з аркестрам — «2-я рапсодыя» (1931), канцэрт (1925); 3 прэлюдыі для фартэпіяна (1926), песні, музыка да кінафільмаў.

Літаратура

• Гершвін // БЭ ў 18 т. Т. 5. Мн., 1997.

Спасылкі

• George Gershwin: American Genius
• Official Site
• http://www.classical.net/music/comp.lst/gershwin.html
• Anecdotage: Gershwin Gershwin Anecdotes (with sources noted)
• GershwinFan.com — The Gershwin Educational Fanpage
• George Gershwin
• George Gershwin
• George Gershwin на Last.fm