Касцёл Маці Божай Каралевы (Драгічын)

Каталіцкі храм
Касцёл Маці Божай Каралевы
52°11′12″ пн. ш. 25°08′40″ у. д.
Краіна	Беларусь
Горад	Драгічын
Канфесія	Каталіцызм
Епархія	Пінская дыяцэзія
Дэканат	Пінскі дэканат
Будаўніцтва	2013
Стан	дзейнічае

Касцёл Маці Божай Каралевы — мураваны каталіцкі храм у г. Драгічыне Брэсцкай вобласці. Знаходзіцца на вуліцы Леніна, 88.

Гісторыя

Першы вядомы касцёл быў пабудаваны ў 1928 годзе з дрэва. Падчас Другой сусветнай вайны касцёл не пацярпеў, аднак потым быў зачынены і перабудаваны, пасля чаго будынак сталі выкарыстоўваць як краму.

Сучасны будынак касцёла быў узведзены на новым месцы. Ён уяўляе сабою пабудову з чырвонай цэглы ў неагатычным стылі. Мае вежу-званіцу з высокім шатровым дахам.

Пінскі ардынарый біскуп Антон Дзям’янка 22 жніўня 2013 году, ва ўрачыстасць Маці Божай Каралевы, заклаў вуглавы камень і асвяціў будаўніцтва новага касцёлу.

Пробашчы

• кс. Павел Кручэк

Спасылкі

• Касцёл Маці Божай Каралевы (Драгічын) на сайце Catholic.by (бел.)
• Дрогичин: костёл
• Костёл (Дрогичин) | католическая церковь, костёл