Лі Мён Бак

Лі Мён Бак
кар.: 이명박
10-ы Прэзідэнт Рэспублікі Карэя 25 лютага 2008 — 24 лютага 2013
Папярэднік	Но Му Хён
Пераемнік	Пак Кын Хэ
мэр Сеула[d] 1 ліпеня 2002 — 30 чэрвеня 2006
дэпутат Нацыянальнага сходу Рэспублікі Карэя[d] 30 мая 1996 — 21 лютага 1998
Нараджэнне	19 снежня 1941(1941-12-19) (82 гады) Осака, прэфектура Осака, Японія
Імя пры нараджэнні	яп.: 月山 明博
Бацька	Lee Chung-u[d]
Жонка	Кім Юн Ок
Дзеці	Лі Су Ён[d], Lee Seung-yeon[d] і Lee Si-hyeong[d]
Веравызнанне	прэсвітэрыянства і пратэстанцтва
Партыя	Сэнуры
Адукацыя	Універсітэт Каро[d] Універсітэт Джорджа Вашынгтона
Аўтограф
Узнагароды
Медыяфайлы на Вікісховішчы

Лі Мён Бак (19 снежня 1941, Осака, Японія) — 10-ты прэзідэнт Паўднёвай Карэі. Перад абраннем займаў пасаду мэра Сеула. Член партыі Ханара. Знаходзіўся на чале ўлады з 2008 па 2013 год.

Пачатак жыцця і адукацыя

У сваёй аўтабіяграфіі «Няма такой рэчы, як міф» Мён Бак сцвярджае, што нарадзіўся ён у карэйскім у той час раёне Накакавачы-гун прэфектуры Осака, Японія (цяпер Хіраноку, горад Осака). Яго японскае імя па пасведчанні аб нараджэнні — Сыкіяма Акіхіра.

У той час яго бацька Лі Чхын У (이 층우) працаваў батраком на японскай жывёлагадоўчай ферме. Яго маці Чхэ Тхэ Уон (채 태원), прэсвітэрыянка, была хатняй гаспадыняй. У Мён Бака тры браты і тры сястры, ён нарадзіўся пятым з сямі дзяцей. Пасля Другой сусветнай вайны, у 1945 годзе сям’я вярнулася ў родны горад бацькі Похан (Кёнсанбук-до, Паўднёвая Карэя). Падчас Карэйскай вайны сям’я Лі жыла ў галечы, хаця ў Японіі бацька зарабляў досыць, каб адсылаць частку грошай дадому, а таксама запрасіць з Карэі сваіх пляменнікаў для навучання. Цяпер Мён Баку давялося, як і многім іншым дзецям, гандляваць запалкамі і рысавымі роламі ля ваенных баз.

У 1950-х гг. сярэдняя адукацыя была прывілеем. Старэйшы брат быў надзеяй сям’і, таму ў Мён Бака не было бы магчымасці працягваць навучанне, калі б не яго настаўнік, які дапамог яму атрымаць стыпендыю ў Вышэйшую Гандлёвую школу Донджы ў Похане. Там былі начныя заняткі, што дазваляла ўдзень працаваць.

Праз год пасля заканчэння школы Мён-бак паступіў у Карэйскі ўніверсітэт. У сваёй аўтабіяграфіі ён успамінае, як цяжка прыходзілася працаваць, каб жыць і вучыцца ў Сеуле.

Крымінальны пераслед

У красавіку 2018 года пракуратура Рэспублікі Карэя абвінаваціла 76-гадовага экс-прэзідэнта ў хабарніцтве, прысваенні сродкаў, злоўжыванні ўладай і запрасіла для яго 20 гадоў калоніі. Былы прэзідэнт не прысутнічаў на слуханні ў знак пратэсту супраць прамога тэлевяшчання са слухання. Лі Мён Бак, стаў чацвёртым паўднёвакарэйскім экс-прэзідэнтам — фігурантам крымінальнай справы.

У кастрычніку 2018 суд горада Сеул прыгаварыў былога прэзідэнта Рэспублікі Карэя Лі Мён Бака па абвінавачванні ў карупцыі і злоўжыванні ўладай да 15 гадоў турмы і штрафу ў памеры 13 млрд карэйскіх вон.

Спасылкі

• Кабінет Прэзідэнта (англ.) Архівавана 20 лютага 2013.
• Карэйская Культурна-інфармацыйная Служба (англ.)