Мараўскія Вароты

З пляцоўкі Вікіпедыя
Перайсці да: рух, знайсці
Мараўскія Вароты на карце Чэхіі.

Мара́ўскія Варо́та (чэшск.: Moravská brána, польск.: Brama Morawska, ням.: Mährische Pforte, славацк.: Moravská brána) — горны праход у Чэхіі, паміж усходнімі адгор'ямі Судэтаў і заходнімі адгор'ямі Бяскідаў.

Мараўскія Вароты цягнуцца з паўночнага ўсходу на паўднёвы захад на 60 км паміж гарадамі Острава і Пршэраў. Шырыня дасягае 10 км. Вышэйшая адзнака — 310 м — водападзел рэк Одра і Бечва. Узгоркі і рачныя тэрасы складзены лёсамі, галечнікамі, вапнякамі. На паўночным усходзе маюцца радовішчы каменнага вугалю.

Растуць рэдкія яловыя і дубовыя лясы. Палі заняты бульбай, пасевамі збожжавых. Рыцарскія замкі. У гарадах — помнікі Сярэднявечча. Здаўна тут праходзіў важны гандлёвы шлях з басейна Дуная ў басейн Балтыйскага мора. Пракладзены шаша і чыгунка Брно — Острава, а таксама газаправод.

Крыніцы[правіць | правіць зыходнік]

Wiki letter w.svg На гэты артыкул не спасылаюцца іншыя артыкулы Вікіпедыі,
калі ласка, карыстайцеся падказкай і пастаўце спасылкі ў адпаведнасці з прынятымі рэкамендацыямі.

Каардынаты: 49°35′09″ пн. ш. 17°45′19″ у. д. / 49.585833° пн. ш. 17.755278° у. д. (G) (O) (Я)