Прэзідэнт Славакіі

Прэзідэнт Славакіі — глава дзяржавы ў Славакіі, які здзяйсняе галоўным чынам цырыманіяльныя функцыі, у прыватнасці, прызначае прэм'ер-міністра.

Гісторыя

Упершыню пасада прэзідэнта з'явілася ў Першай Славацкай рэспубліцы ў перыяд Другой сусветнай вайны. Першым і адзіным прэзідэнтам быў з 26 кастрычніка 1939 да красавіка 1945 Іозеф Ціса.

Пасля распаду Чэхаславакіі паўнамоцтвы прэзідэнта прыняў на сябе прэм'ер-міністр Уладзімір Меч'яр, пасля чаго Міхал Ковач быў выбраны прэзідэнтам на пяцігадовы тэрмін парламентам. Калі пасля заканчэння яго паўнамоцтваў парламент не змог абраць яго пераемніка, абавязкі прэзідэнта прынялі прэм'ер-міністр і спікер парламента. Пасля таго, як парламент на працягу года не змог узгадніць кандыдатуру прэзідэнта, былі занесены папраўкі ў канстытуцыю, па якіх прэзідэнт абіраецца ўсеагульным галасаваннем на пяцігадовы тэрмін па сістэме двух тураў. Для перамогі неабходна атрымаць 50 % галасоў.

Рэзідэнцыяй прэзідэнта Славакіі з'яўляецца пабудаваны ў 1760 годзе Палац Грасалкавічаў.

Спіс прэзідэнтаў

Першая рэспубліка

[*]	Прэзідэнт		Уступіў на пасаду	Пакінуў пасаду
-		Ёзэф Ціса	26 кастрычніка 1939	4 красавіка 1945

Сучасная Славакія

[*]	Прэзідэнт		Уступіў на пасаду	Пакінуў пасаду
1		Міхал Ковач	2 сакавіка 1993	2 сакавіка 1998
2		Рудольф Шусцер	15 чэрвеня 1999	15 чэрвеня 2004
3		Іван Гашпаравіч	15 чэрвеня 2004	цяпер на пасадзе

Прэм'ер-міністр і спікер парламента, якія выконвалі абавязкі прэзідэнта:

• Уладзімір Меч'яр (1 студзеня — 2 сакавіка 1993)
• Уладзімір Меч'яр (2 сакавіка — 30 кастрычніка 1998) і Іван Гашпаравіч (14 ліпеня — 30 кастрычніка 1998)
• Мікулаш Дзурында (30 кастрычніка 1998 — 15 чэрвеня 1999) і Іозеф Мігаш (30 кастрычніка 1998 — 15 чэрвеня 1999)

Штандар прэзідэнта

• 

  Штандар прэзідэнта Першай рэспублікі (1939 – 1945)

• 

  Сучасны штандар прэзідэнта Славакіі

Спасылкі

Афіцыйны сайт прэзідэнта Славацкай Рэспублікі