Рака Конга

З пляцоўкі Вікіпедыя
Перайсці да: рух, знайсці
Конга
Congo
Congo maluku.jpg
Вышыня вытоку 1 590 м
Вусце Атлантычны акіян
Вышыня вусця 0 м
Даўжыня 4 700 км
Расход вады 41 800 м³/с
Вадазбор 3 км²
Commons
У ВікіСховішчы ёсць выявы з тэмай:
Конга

Ко́нга — рака ў Цэнтральнай Афрыцы, пераважна ў Дэмакратычнай Рэспубліцы Конга, часткова на яе межах з Рэспублікай Конга і Анголай. Даўжыня 4320 км (ад вытоку ракі Луалаба), плошча басейна 3,7 млн.км². Па даўжыні займае 2-е месца ў Афрыцы (пасля Ніла), па плошчы басейна і воднасці 1-е месца ў Афрыцы і 2-е ў свеце (пасля ракі Амазонка).

Геаграфія[правіць | правіць зыходнік]

Вытокі на паўднёвым усходзе Дэмакратычнай Рэспублікі Конга на плато каля мяжы з Замбіяй, упадае ў Атлантычны акіян каля горада Банана. Верхняе цячэнне (да вадаспадаў Баёма да горада Кіншаса) у межах упадзіны Конга — раўнінная рака з шырокай далінай (да 20 км), падзяляецца рукавы і пратокі. Ніжняе цячэнне (ад горада Кіншаса да вусця) пераважна ў глыбокай цясніне Паўднёва-Гвінейскім узвышшы, шмат парогаў і вадаспадаў (вадаспад Лівінгстана і іншыя).

Каля горада Матады Конга выходзіць на вузкую прыморскую нізіну, рэчышча шырынёй да 1,5 км. Каля горада Бома пачынаецца эстуарый.

Прытокі[правіць | правіць зыходнік]

Галоўныя прытокі:

Да басейна Конга належаць буйныя азёры — Танганьіка, Ківу, Бангвеулу, Мверу і іншыя.

Гідралогія[правіць | правіць зыходнік]

Жыўленне дажджавое. Максімальныя паводкі ў вярхоўях у лістападзе-студзені, у сярэднім і ніжнім цячэнні — у маі-чэрвені і лістападзе-студзені. Сярэдні гадавы расход вады 46 тыс. м³/с. Вялікія масы вады, якія Конга выносіць у акіян, апрасняюць яго на 75 кіламетраў ад берага. Цвёрды сцёк каля 50 млн.тон за год.

Гаспадарчае значэнне[правіць | правіць зыходнік]

Гідраэнергетычныя рэсурсы[правіць | правіць зыходнік]

Значныя запасы гідраэнергіі (каля 390 ГВт). Вялікія ГЭС — Нзіла, Нсеке (на рацэ Луалаба), Інга (у ніжнім цячэнні).

Рыбалоўства[правіць | правіць зыходнік]

Рыбалоўства (тылапія, нільскі акунь, барбель. тыгравая рыба, прэснаводны селядзец).

Суднаходства[правіць | правіць зыходнік]

Агульная даўжыня суднаходных шляхоў каля 20 тыс.км. Уласна Конга (уключаючы Луалабу) суднаходная на большая частцы цячэння за выключэннем парожыстых участкаў, у абход якіх пабудаваны чыгуначныя лініі. Ніжэй горада Матады заходзяць акіянічныя судны.

Галоўныя рачныя парты — Бразавіль (Рэспубліка Конга), Кіншаса, Кісангані, марскія — Матады, Бома, Банана (Дэмакратычная Рэспубліка Конга).

Літаратура[правіць | правіць зыходнік]

  • Беларуская энцыклапедыя: У 18 т. Т. 8: Канто — Кулі / Рэдкал.: Г. П. Пашкоў і інш. — Мн.: БелЭн., 1999. ISBN 985-11-0144-3.