Раман Леанідавіч Корап

Раман Леанідавіч Корап
Нараджэнне	8 студзеня 1952(1952-01-08) (72 гады) Мінск, БССР, СССР
Адукацыя	Акадэмія кіравання пры Прэзідэнце Рэспублікі Беларусь Віцебскі дзяржаўны медыцынскі ўніверсітэт
Дзейнасць	урач, палітык
Узнагароды	Ганаровая грамата Нацыянальнага сходу Рэспублікі Беларусь Ганаровая грамата Савета Міністраў Рэспублікі Беларусь Ганаровая грамата Міністэрства аховы здароўя Рэспублікі Беларусь[d]

Раман Леанідавіч Корап (нар. 8 студзеня 1952, Мінск) — беларускі медык і палітык.

Біяграфія

Cкончыў Віцебскі дзяржаўны медыцынскі інстытут (спецыяльнасці лячэбная справа), Акадэмію кіравання пры Прэзідэнце Рэспублікі Беларусь (менеджар-эканаміст).

Працаваў урачом-анестэзіёлагам-рэаніматолагам медыка-санітарнай часці Магілёўскага камбіната сінтэтычных валокнаў імя У. І. Леніна, галоўным урачом санаторыя-прафілакторыя «Кіравец» Магілёўскага аўтазавода імя С. М. Кірава, урачом анестэзіёлагам-рэаніматолагам медыка-санітарнай часці Магілёўскага вытворчага аб’яднання «Хімвалакно». Займаў пасады намесніка галоўнага ўрача па медыцынскай частцы 2-й клінічнай бальніцы, галоўнага ўрача лячэбна-прафілактычнай установы «Гарадская клінічная бальніца хуткай медыцынскай дапамогі» горада Мінска.

Выбіраўся дэпутатам Палаты прадстаўнікоў Нацыянальнага сходу Рэспублікі Беларусь трэцяга і чацвёртага скліканняў.

Узнагароды

Узнагароджаны юбілейнымі медалямі «60 год Перамогі ў Вялікай Айчыннай вайне 1941—1945 гг.», «90 год Узброеных Сіл Рэспублікі Беларусь», Ганаровай граматай Нацыянальнага сходу Рэспублікі Беларусь, Ганаровай граматай Савета Міністраў Рэспублікі Беларусь, Ганаровай граматай Міністэрства аховы здароўя Рэспублікі Беларусь, знакам «Выдатнік аховы здароўя Рэспублікі Беларусь»..