Галіна Мікалаеўна Лагунова

Галіна Мікалаеўна Лагунова
Дэпутат Палаты прадстаўнікоў Нацыянальнага сходу Рэспублікі Беларусь VII склікання
Прэзідэнт	Аляксандр Лукашэнка
Нараджэнне	22 лістапада 1954(1954-11-22) (69 гадоў) Слаўгарад, Слаўгарадскі раён, Магілёўская вобласць, БССР, СССР
Адукацыя	БДПУ
Дзейнасць	палітык
Месца працы	Мінскі філіял Беларускага гандлёва-эканамічнага ўніверсітэта спажывецкай кааперацыі[d] Беларускі гандлёва-эканамічны ўніверсітэт спажывецкай кааперацыі
Узнагароды	Ганаровая грамата Савета Міністраў Рэспублікі Беларусь

Галіна Мікалаеўна Лагунова (нар. 22 лістапада 1954, Слаўгарад, Магілёўская вобласць) — беларускі педагог, дэпутат Палаты прадстаўнікоў Нацыянальнага сходу Рэспублікі Беларусь 7 склікання, член Пастаяннай камісіі па ахове здароўя, фізічнай культуры, сямейнай і маладзёжнай палітыцы.

Біяграфія

Нарадзілася 22 лістапада 1954 года ў г. Слаўгарадзе Магілёўскай вобласці.

Скончыла Мінскі педагагічны інстытут імя А. М. Горкага па спецыяльнасці «Матэматыка, настаўнік матэматыкі сярэдняй школы».

Працавала выхавацельніцай прышкольнага інтэрната, настаўніцай матэматыкі Маляціцкай сярэдняй школы Крычаўскага раёна Магілёўскай вобласці; намеснікам дырэктара па вучэбнай рабоце Купішскай няпоўнай сярэдняй школы; загадчыкам Вайнюнскай пачатковай школы Браслаўскага раёна Віцебскай вобласці; намеснікам дырэктара па адміністрацыйна-гаспадарчай рабоце, дырэктарам Мінскага гандлёвага каледжа Белкаапсаюза; дырэктарам Мінскага філіяла Беларускага гандлёва-эканамічнага ўніверсітэта спажывецкай кааперацыі.

Сям’я

Замужам, мае дачку.

Узнагароды

• ганаровыя граматы Савета Міністраў Рэспублікі Беларусь, аддзела народнай адукацыі Браслаўскага райвыканкама, упраўлення адукацыі Віцебскага аблвыканкама, Белкаапсаюза, Мінгарвыканкама, Мінскага гарсавета дэпутатаў, Беларускага рэспубліканскага камітэта прафсаюза работнікаў спажыўкааперацыі, адміністрацыі Заводскага раёна г. Мінска;
• нагрудны знак «Выдатнік адукацыі»;
• нагрудны знак «Выдатнік спажывецкай кааперацыі Беларусі»;
• нагрудны знак «За прафсаюзныя заслугі»;
• медаль «Заслужаны міратворац»;
• медаль «110 год прафсаюзнаму руху Беларусі».